Emakumeenganako Indarkeriaren Kontrako Nazioarteko Egunaren harira hainbat ekimen antolatu du Erandioko Udalak datozen egunotarako. Osteguna eta larunbata bitartean, mahai-ingurua, zinema emanaldia eta kontzentrazioa izango dira Erandion eta Astrabuduan, Gizarte Ekintza Arloak jakinarazi duenez. Genero bortxakeriaren kontrako jarrera agertzeko udaletxeko balkoian lazo zuria eskegiko da eta dendariei ikur berbera erabiltzeko deia egin die Udalak.
Ostegunean, azaroak 24, genero indarkeriari buruzko hitzaldia egingo da 20:00etan posta bulegoko aretoan, Udal azoka zenaren ondoan. Hurrengo egunean, Emakumeenganako Indarkeriaren Kontrako Nazioarteko Eguna, elkarretaratzea deitu dute goizeko 12:00etan Irailaren 23a plazan, udaletxearen aurrean. Azkenik, larunbatean, "Solo mia" filmea eskainiko dute Astrabuduako Josu Murueta kulturgunean, arratsaldeko 18:00etan. Luzemetraiaren ondoren mahai-ingurua izango da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun