"En pie de foto. Cien miradas desde el dolor. El terrorismo, crimen contra la humanidad" erakusketa da PPk Erandioratzea desiratzen duena. Miguel Angel Blanco Fundazioaren ekimenak azken 30 urteotan prentsak argitaratutako Euskal Herriari buruzko irudi guztietatik 100 argazki aukeratu, bildu eta hainbat idazle, kazetari eta intelektualen testuekin hornitu ditu. Orain arte Iruñea, Donostia, Barakaldo eta Ermutik igaro da erakusketa eta, PPk dioenez, laster izango da Andoainen.
Ruizen arabera, 1997an ETAk hil zuen Ermuko zinegotziaren omenezko fundazioak "basatikeri terroristaren ondorioak ezagutarazteko" abiatu du erakusketa, "terrorismoaren izua" azalarazten.
Miguel Angel Blanco Fundazioaren "En pie de foto" erakusketa Erandiora ekartzea eskatu du PPk
PPk Miguel Angel Blanco Fundazioaren En pie de foto erakusketa (argazkian) udalerrira ekartzeko egin duen eskaera hurrengo Erandioko udalbatzarrean premiazko mozio gisa aurkeztuko du, gaur Javier Ruiz Erandioko Alderdi Popularraren Udal Taldeko bozeramaileak iragarri duenez. Alkateak popularren eskaera udalbatzarreko gaien zerrendan sartzeari uko egin diola salatu du Ruizek. Eta horregatik premiazko mozio gisa aurkeztea erabaki dutela gaineratu du. Zinegotziaren arabera, erakusketa hori udalerrira hurbiltzea “terrorismoak sorturiko biktimekiko eta zehatzago Miguel Angel Blanco eta bere familiarekiko elkartasuna, hurbiltasuna eta eskertasunaren erakuspena litzateke".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun