Euskal preso politikoa emakumea denean, atxilotze momentutik, tratu berezia ematen diote emakumea izateagatik eta egoera mantendu egiten da espetxean. Izan ere, presondegi gehienak gizonentzat eraikiak izanagatik, ez dituzte emakumeek behar dituzten baldintzak betetzen. Espetxeratuak direnen emakumeen kopurua gizonezkoa baino txikiago izanik, sakabanaketaren helburua (politikoki, kulturalki eta sozialki presoa baztertzea) askoz ere errezago lortzen dute emakumeekin.
Atxilotutako emakumeak torturaren aurrean askoz ere kalteberagoak dira, eta gizonen aurka erabiltzen dituzten metodo berberak emakumeen aurka erabiltzen badituzte ere, emakumeen kontra gizonen aurka baino gehiagotan erabiltzen dituzte mota guztietako sexu irainak. Honekin ondorioztatzen da emakumeen aurka pertsonaren degradazioa bilatzen dituzten tortura metodo bereziak erabiltzen dituztela euren genero baldintzagatik.
Emakume bat atxilotua denean, bere sexualitatearen inguruko kontu ezberdinak baloratzen dituzte askotan hainbat komunikabideetan, atxilotua gizona denean gertatzen ez dena (gogoratu Idoia Lopez Riaño, Ana Lizarralde...).
Sexu irainak, bortxaketak...
Emakumea atxilotuta dagoenean, bortxaketa mehatxua hasieratik izaten du, hainbatetan gauzatu egiten dena (Amaia Urizar). Galdeketetan poliziak gizonezkoak dira beti eta, kasu gehienetan, emakumea bilusik izaten dute eta gorputz osoa ukitzen diote, hankak zabaltzera behartuz (polizi-emakumeren bat agertzen bada, emakume atxilotuari bere seme-alaben inguruko kustodiaz mehatxatzeko izaten da.
Emakumea psikolojikoki degradatzen dute, irainekin, izen ona galaraztearekin, (emakumea umiliatu egiten dute, bere osotasun fisiko eta mentala apurtzeko helburuarekin. Tortura molde hauek suposatzen duten sexu eraso larria eragin handia dute egoera honetan egon diren emakumeengan. Espetxan sartzen dutenean tratu bera jasotzen du emakumeak, bere oinarrizko eskubideak urritaz; euskal preso politikoen kasuan, baita eskubide politikoak ere.
Argi edukita egoera larri hauek isolamendu eta sakabanaketa politikaren ondorioak direla, Espainia eta Frantziako agintariek EPPKari ezarritako salbuespen neurriekin gogortu egiten dira, eta eragin zuzena dute espetxeetan amekin diren seme-alabengan. Horregatik, dagozkien eskubideek errespetatuak izan daitezen aldarrikapenarekin batera: beraien nortasuna eta eskubideak errespetatuak izateko, Euskal Herrian izan behar direla, gatazka politiko batek eragindako preso politikoak direlako. Instituzioekin batera, egoera larri honen aurrean neurriak har ditzaten exijitzen diegu eragile sozial eta politikoei.
Askatasuna
Preso diren emakumeek ere jasaten dituzten eraso sexistak salatzeko, bortizkeriaren aurkako mobilizazioetan parte hartzera deitu du Askatasunak
2005ko aza. 24a, 20:23
Bihar, azaroak 25, Genero Bortizkeriaren Aurkako Nazioarteko Eguna da eta Askatasuna, Etxerat eta Amnistiaren Aldeko Mugimendu osotik euskal jendarteari Euskal Herriko herrietan izanen diren mobilizazio eta ekimenetan parte hartzeko deialdia luzatzen dugu. Emakumeen hilketak, bortxaketak, lan merkatuan diskriminazioak, emakumeen kontrako eguneroko erasoak; emakumeenganako indarkeriaren kontrako eguna izanik, Askatasunak bereziki gogoratu eta salatu nahi ditu emakumeak pairatzen duten tortura eta preso politikoen egoera. Emakume izateak tortura metodoen berezitasuna ere badakar: irain sexistak... hor ditugu Amaia Urizar euskal preso politikoak guardia zibilen eskuetan inkomunikazioan izandako torturak eta bortxaketa.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun