Ildo horretatik, Getxoko Udaleko alkateak esan du udaletxean dagoeneko eraikina bertan behera botatzeko baimen eskaria dagoela. Baimen hori bideratuta eta emanda dago, “horregatik eraistea laster izatea espero dugu, horien arduradunak etxearen jabeak izanik. Egoera ez bada epe laburrean konpontzen, orduan, Udalak eraikinaren egoera ikusita, behar diren neurriak hartuko ditu”.
PPk aipatu dituen istiluei dagokienez, Zarraoak argitu du "istilu txiki bat" izan dela, aipatutako tokian egoten den pertsona batek osasun laguntza behar izan duenean, udaltzainen auto bat DYAko lankideen deia jaso ondoren bertaratu denean. Azkenean, aipatutako laguna Gurutzetako erietxera eraman du DYAko anbulantzia batek.
Gaiaren inguruko berriak:
Jabeek Oka kaleko baserri okupatua botako dutela iragarri du Zarraoak
2005ko aza. 28a, 18:52
Iñaki Zarraoa Getxoko alkateak (argazkian) Algortako Oka kaleko etxe okupatuaren "irtenbidea jabeek etxea eraistea" dela esanez erantzun dio PPk gaur kaleratutako prentsa oharrari. Getxoko PPk Algortako Oka baserrian dauden “okupak” ahalik eta lasterren kanporatzea eskatuko dio gobernu taldeari. PPren arabera, gaur goizean auzokideen artean alarma eragin duten zenbait gertaera izan dira. Zarraoaren arabera, PPk eta Marisa Arruek bozeramaleak ondo baino hobeto jakin behar dutela “alkateak ezin dituela etxe pribatu batetik auzokide batzuk kaleratu, baizik eta jabeek eskatuta, epaile batek egin behar duela hori”.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun