Markeliñek "Punto Rabo" lana antzeztuko du bihar Leioako campusean
2005ko aza. 29a, 18:51
Bihar, asteazkena, goizeko 12:00etan, Markeliñe taldeak "Punto Rabo" antzezlana aurkeztuko du Leioako campuseko areto nagusian. Beste ezer baino gehiago, ikuskizun ganberro eta poetikoa da. Izan ere, antzezlana zeruaren edo infernuaren ataria den gune horretan egiten da eta bertan izango dira Pedro deuna, zeruaren zaindaria, eta Fausto, infernuaren zaindaria, arimek egiten dizkieten erreklamazioei erantzuten. Markeliñe Zornotzako antzerki taldea da, ibilbide luzea duena.Arratsaldeko 20:30ean, berriz, Bizkaiko Campuseko Kultur Bulegoaren eskutik, Bilborocken Agerre Teatroa taldeak "Neska politak artasoro alaiak" antzeztuko du. Historiak nola sor daitekeen bi kulturen arteko elkargunea adierazten du. Protagonistak herriko fruta eta barazki azokan saltzaile den euskal emakumea eta Afrikatik etorritako gazte bat dira. Sarrera doakoa izango da bi emanaldietan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun