"Gogoratu behar da Espainiako Auzitegiko 2. Sekzioak Muni absolbitu egin zuela beste kasu batean bere kontrako akusazioa atxilotu batek torturapean eragindako deklarazioan bakarrik oinarritzen zelako. Kasu honetan, ordea, ez da hori kontutan hartu", salatu dute errepresioaren aurkako erakundeko kideek.
Albaro Arri 1995ko azaroaren 22an atxilotu zuten Rennes-en (Bretaina). Hasieran Fleury Merogis (Frantzia) espetxean sartu zuten, Paris inguruan, baina behin kondenatu ondoren Bapaumeko espetxera eraman zuten, Belgikako muga igarota dagoen espetxera. Frantzian 10 urteko espetxe zigorra bete ondoren 2003ko apirilaren 22an Espainiara estraditatu eta Alcala Mecon sartu zuten. Orain arte hainbat epaiketa izan ditu. Urrian bertan izandako epaiketen sententzia ez da oraindik ezagutzera eman.
Alcala Mecotik Kordobara
Azaroaren 21ean atera zuten Albaro Arri Pascual "Muni" preso algortarra Alcala Mecotik (Madril) Kordobako espetxera eramateko, lehendabizi Valdemorotik igaroz. Uribe Kostako Amnistiaren Aldeko Mugimenduak Etengabe.org bitakoraren bitartez jakinarazi zuenez, astelehen horretan bertan familiarrek aurrez aurreko bisita zeukaten presoarekin Alcala Mecon. "Bisita barik gelditu zen bera eta familia nondik jo gabe", errepresioaren aurkako erakundeak adierazi zuenez.
Gaiaren inguruko berriak:
Ostegun eta astelehenean ditu epaiketak Albaro Arrik (2005 Urr 18)
Urrian hiru auziri egin beharko die aurre Albaro Arri presoak (2005 Urr 03)
Albaro Arri Algortako euskal presoari 10 urteko espetxe zigorra ezarri diote (2004 Aza 21)
Albaro Arriren kontrako 10 urteko espetxe zigorra beretsi egin du Espainiako Auzitegi Gorenak
Espainiako Auzitegi Gorenak atzera bota du Albaro Arri Pascual "Muni" (argazkian) preso algortarraren abokatuak egindako kasazio helegitea eta berretsi egin du Espainiako Auzitegiko 1. Aretoak ezarritako 10 urteko kartzela zigorra, joan den astean, Uribe Kostako Amnistiaren Aldeko Mugimenduak Etengabe.org bitakoraren bitartez jakinarazi zuenez. Madrilen 1994an Francisco Javier de la Llama Espainiako Armadako sargentuaren autoan lehergailua jarri eta hiltzen saiatzea leporatuta egin zioten epaiketa Arriri 2004ko urrian. Errepresioaren aurkako erakundeak orduan salatu zuenez, "Mikel Azurmendiri komisarian sinarazi zioten deklarazioa izan zen Muni kondenatzeko erabili duten froga bakarra, nahiz eta epailearen aurrean Mikelek beti esan hori gezurra zela eta torturaz sinarazi ziotela". Arrik beti mantendu du Mexikon zela ekintza hori gertatu zen garaian, eta horrela berretsi zuten epaiketan berarekin garai hartan zirenek. Bestalde, Alcala Mecotik Kordobara eraman zuten Algortako presoa, joan den astean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun