Gaur egindako adierazpenetan, eta emandako hitza bete ez denez, Victor Bravo senatari jeltzaleak Estatuko Gobernuak Leioako Udalarekin konprometiturik zuen ordainketa egin ez izanari “berehalako irtenbidea” emateko eskatu du, eta Batzorde Mistoaren berehalako deialdia egitea proposatu du, Batzordeak arazoa aztertu eta irtenbideren bat eman diezaion”.
Gaiaren inguruko berriak:
Leioako Udalari zor dion milioi bat euro ordain dezan eskatuko diote Zapaterori (2005 Urr 06)
Kultur Leioa eraikitzeagatik Leioako Udalari Espainiak zor dion milioi bat euro oraindik ordaindu ez izana gaitzetsi du EAJk
Víctor Bravo Senatari Jeltzaleen Taldeko kideak Sustapen ministroa den Magdalena Alvarezi galdetu dio ea “zer dela eta ez zaion Leioako Udalari ordaindu Gobernuak Udalarekin konprometiturik zuen diru-laguntza, kultura arloko ehuneko batari dagokiona”, EAJk jakinarazi duenez. Bravok Alvarezi gogorarazi dionez, “joan den urriaren 6an Sustapen Ministerioko batzordeak baiespen bidezko mozioa onetsi zuen, Leioako Udalari kultura arloko ehuneko batari dagokion diru-laguntza ordaintzeko erabaki zuena. Mozio horretan ebatzi zenez, erabaki hori Sustapen eta Kultura Ministerioek osatzen duten Batzorde Mistoaren hurrengo bileran sartuko zen. Bilera hori azaroaren 16an egin zen, baina ez zuten aztergai hau eguneko zerrendan sartu”. Espainiak Leioako Udalari zor dion kopurua 1.110.000 eurokoa da eta Kultur Leioa (argazkian) eraikitzeko agindutako baina ordaindu ez diren dirulaguntzak direla eta sortu da zorra.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun