Kontseiluko bozeramaileak Eusko Jaurlaritzaren azterketaren emaitzak ekarri ditu gogora. Hau da, gobernuak egindako inkesta baten bidez frogatu zen ikasleen erdiek ez dutela euskara ondo menderatzen derrigorrezko hezkuntza bukatzerakoan. "Urgentziazkoa da hezkuntza sistemak ikasleak euskalduntzea, horretarako, ikastetxe guztietan helburu hori lortzen duen eredua sortu eta ezarri behar da", azaldu dute. Kontseiluak ereduak eraberritzea lehentasun politikoko gai bihurtzea eskatu du, "berandu izan baino lehen". Aldi berean, laguntzeko prest ageri da, beharrezko diren koordinazio, sentsibilizazio eta sortze lanak egiteko.
Xabier Mendiguren Ibarretxerekin
Martin Ugalde Parkeko atzoko foroan galderak egiteko aukera izan zuten entzuleek eta Xabier Mendigurenek Estatutuak euskarari emandako tratamendua aipatu zion. Kontseiluko Idazkari Nagusiak bere Estatutu berrian proposatutakoa euskararen normalizazioan aurrera egiteko nahiko den galdetu zion. Ibarretxek euskararen bilakaerak aurrera egin duela azaltzeaz gainera, ahalegin handiagoa egin beharko litzatekeela onartu zuen. Bestetik, Estatutu berriaren eztabaidan euskarari buruz hausnarketa egiteko prest agertu zen.
Kontseilua
Eskolak euskalduntzeko oinarriak 2007 baino lehenago jarri behar dira Kontseiluaren ustez
2005ko abe. 1a, 20:03
Euskararen Gizarte Erakundeen Kontseiluak hizkuntza-ereduen erreforma ezinbestekoa dela esan die legebiltzarkideei. Ostiralean, Eusko Legebiltzarrean alderdiek hezkuntzari buruz hitz egingo dute eta hizkuntza-ereduen sistemaren aldaketa ardatza izango da. Hori dela eta, Kontseiluak gogorarazi nahi die euskalduntzeak hezkuntzan duen garrantzia. "Ezin dugu onartu urte gehiago pasatzea belaunaldi berriak euskaldundu gabe, beraz, beranduenez 2007 baino lehen euskalduntzea ahalbidetuko duen sistema indarrean jarri behar da", adierazi dute. Bestalde, atzo Martin Ugalde Parkeko foroan izan zen Juan José Ibarretxe EAEko lehendakaria. Han euskalgintzako zenbait elkarteren aurrean hitz egiteko aukera izan zuen. Horien artean, Kontseiluko Idazkari Nagusiarekin egon zen, Xabier Mendigurenekin (argazkian). Ibarretxe Estatutuan euskararen gaia hausnartzeko prest agertu zen.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun