Juan Carlos Solak behin-betiko paraplegia dauka, 1984an, Argentinan, garraio-zerbitzu publiko batean zirkulazio-istripua izan zuenetik. Bizkaiko Bizkarmuinaren Kaltetuak (Bizkel) elkartearen sortzaileetako bat izan zen, eta Getxon udalerrian irisgarritasuna lortzeko eta arkitektura-oztopoak kentzeko lan taldea sortu zuen –Getxoko lehenengo Irisgarritasun Plana bezakalo ekimenak egin dituena– eta Gurutze Gorriak duen laguntza programa bultzatu zuen, Urquizak azaldu duenez. Gaur egun, Gutxitasun Fisikoa duten Pertsonen Bizkaiko Federazio Koordinatzailearen zuzendaria da.
Argia Fundazioa
1990 urteaz geroztik buruko gaixotasun kroniko larriak dituzten pertsonekin lan egiten duen ongintza eta laguntzarako erakundea da Argia Fundazioa. Beramendi doktorea (gaur egun Zamudioko ospitalean dagoena), Algortako Hirukoztarrak eta Bilboko Udalaren laguntzarekin hasi zuen bere ibilbidea. Aurrerago, Bilboko elizbarrutiaren sostengua lortu zuen eta, 1993an, BBKrena. Gaur egun, Hirukoztarrekin patronatua sortu arte.
Argia fundazioaren helburuak behin-betiko buruko gaixotasun kroniko larriak dituzten pertsonak birgaitu eta gizarteratzea dira. Horretarako Eguneko Ospitalea du Algortan, eta Bilbon zein ezkerraldean tutoretzapeko 14 etxebizitza. Gaur egun, 114 erabiltzaile-gaixo dituzte –gehienak eskizofrenia diagnostikoarekin– 25 eta 75 urte artekoak. Boluntarioek ezinbesteko lana egiten dute Argian. Azken urte hauetan, Algortako Hirukoiztarren elizarekin harremana duten 300 bat pertsonek egin dute lan Eguneko Ospitalean.
Juan Carlos Solak eta Argia Fundazioak jaso dituzte urteko boluntarioen sariak
Iñaki Zarraoa alkatea buru zela, Getxoko XII. Boluntarioen Jardunaldiak egin dira, gaur arratsaldean, Fadura udal kiroldegiko areto nagusian. Ekitaldian, udalerrian egoitza duten boluntarioen 45 elkarte batu dira euren iritziak eta esperientziak elkar trukatzeko eta, oraingo honetan, aurrera eramaten ari diren lana ezagutzera emateko. Aurten hiru arlo nagusi aztertu dira: aisialdia, gaixotasuna eta emakumeen mundua. Horretaz gain, urteko pertsona eta erakunde boluntarioen sariak banatu dira. Aurten Juan Carlos Sola eta Argia Fundazioa izan dira sarituak, Iñaki Urkiza Getxoko Udaleko Gizarte Zerbitzuetako zinegotziak goizeko prentsaurrekoan aditzera eman duenez. Argazkia: Igaz Laringektomizatuen Bizkaiko Elkarteari (irudian ordezkariak), Irantzu Gorostizaga Arantza Bifidoaren eta Hidrozefaliaren Bizkaia Elkarteko (Asebi) laguntzaileari eta zendutako Iñaki del Riori (irudian gurasoak) eman zieten saria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun