“Zabala da 0 eta 2 urte arteko haurrentzako dagoen eskaintza, baina egia da beharrak ere handiak direla", Iñaki Zarraoa alkateak argitu duenez. "Edozein kasutan, eskaintza berria behar duten familiei zuzendu beharko liekete, eredu horretako hezkuntza derrigorrezkoa ez delako”, gaineratu duenez. Zerbitzu horren kostua diruz lagunduta egongo litzateke, Zarraoaren hitzetan. “Ez da doakoa izango. Hori dela eta, inkesta bat egin beharko da, zerbitzu hori ordaintzeko jendea prest dagoen jakiteko. Gertatu izan da zerbitzua martxan jarri duten zenbait udalerritan eskaera aurreikusitakoa baino txikiagoa izatea gero. Ez dugu nahi hori berton gertatzea eta horregatik aipatutako inkesta egingo dugu” azaldu du alkateak.
Udal agintariak adierazi duenez, "Udalarentzat ahalik eta gastu txikiago" ekarriko lukeeten kokapenen bila dabil Gobernu Taldea. Irakasleak 0-2 urte arteko hezkuntzako Haur Eskolak partzuegoak jarriko lituzke eta Getxoko Udala zentroaren atezaina, garbiketaren eta mantenimenduaren gastuez arduratuko litzateke. “Hori dela eta, atezaina duten eta martxan dauden eraikinen bila gabiltza eta ahal den neurrian diru gastua Eusko Jaurlaritzak egitea” argitu du Zarraoak.
Santa Eugenia kultur aretoan 0 eta 2 urte arteko haurrentzako hezkuntza-zentroa jartzea aztertzen ari dira
Getxoko Udala 0 eta 2 urte arteko umeentzako hiru hezkuntza-zentro ipintzeko kokapenak aztertzen ari da. Horiek Itzubaltzeta / Erromoko Santa Eugenia kultur aretoaren arkupetan (aspaldiko argazkian), Neguriko San Inazio ikastetxeko eraikin txikian eta Juan Bautista Zabala ikastetxearekin lotura duen Algortako San Martin zentroan egon litezke, Iñaki Zarraoa alkatearen hitzetan. Hiru kokapen posible horietatik, lehendabizi Itzubaltzetakoa aztertuko dute, "gastu handirik suposatuko ez lukeelako eta egitekotan Udalak berak egingo liokeelako aurre inbertsioari", udal agintariaren hitzetan. Hala ere, aurretik zerbitzu hori benetan beharrezkoa den ezagutzeko galdeketa egingo dute, Zarraoak nabarmendu duenez. Gainontzeko bietan, Eusko Jaurlaritzako Hezkuntza Sailak konponduko lituzke aipatutako eraikinak eta 2007ra itxaron beharko litzateke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun