Eusko Jaurlaritzaren 2005eko diru-laguntzen ebazpena atzo argitaratu zen. Hain zuzen ere, horiek "murrizketa nabarmena" jasan dutela salatu dute Topagunean federatutako euskara elkarteek kudeatutako tokiko hedabideek. "Urtetik urtera errepikatzen den joera" horren aurrean dituzten kezkan azaldu eta horiek eraginda, ondokoak dira alderdi politikoei eta Jaurlaritzako ordezkariei egin nahi dizkieten eskariak:
Tokian tokiko hedabideek, Jaurlaritza eta alderdiei (pdf)
"Kultura Sailak nahi badu, beti bezala, egoera aztertu eta konponbidea elkarrekin aurkitzen laguntzeko prest" agertu dira tokiko hedabideak.
Beste 42 hedabiderekin batera, Eusko Jaurlaritzako diru-laguntzen murrizketak "bizirauteko trabak" eragiten dituela salatu du UK aldizkariak
Larunbat honetan (abenduak 3) izango den Euskararen Nazioarteko Egunaren ospakizuna paradoxikoki baliatu behar izan du Boluntzarreta elkarteak Uribe Kosta eskualdean argitaratzen duen UK aldizkariak, tokiko beste hainbat hedabiderekin batera. Gaur goizean Donostian egindako agerraldian (argazkian), Eusko Jaurlaritzak "euskarazko hedabideak sendotu, garatu eta normalizatzeko" banatu berri dituen 2005eko diru-laguntzek "murrizketa nabarmena" ekarri dutela adierazi dute Topagunea Euskara Elkarteen Federazioak eta bertan federatutako EAEko 43 tokiko hedabideek eta Herri Komunikabideak Kooperatibak. Euskararekiko jarrera horrek bizirauteko trabak dakartza gure lanean", salatu dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun