Euskararen Nazioarteko Eguna abenduaren 3an ospatzen da, hau da, Xabierko Frantzisko deunaren egunean, baina data horren jatorria Eusko Ikaskuntza erakundeari estu lotzen zaio. Lehenengo Euskararen Eguna duela 50 urte baino gehiago ospatu zen, 1949an, Lapurdin, Nafarroa Beherean eta Zuberoan. Ipar Euskal Herrian ez ezik, Parisen, Mexikon, Caracasen, New Yorken eta beste leku batzuetan ere ospatu zen Euskararen Eguna. Geroztik, urtero egin da egunaren ospakizuna Xabierko Frantzisko deunaren egunean beti ere.
1995ean, kanpoko Gizataldeen Lehen Mundu Biltzarrean, Uruguaiko ordezkaritzak eguna berrindartzeko proposamena egin zuen. Diasporako euskaldunek egun handitzat zutena Euskararen Egun ofizial izendatzeko eskatu zuten uruguaiarrek.
Eusko Jaurlaritzak eta Euskaltzaindiak ontzat eman zuten proposamena eta abenduaren 3an, Xabierko Frantzisko deunaren eguna, Euskararen eguna izendatzea erabaki zuten.
Besteak beste, honako ekitaldi hauek bildu ditu UKBERRIk:
Algorta:
12:00 eta 19:00: "Aupa Etxebeste" filmea Getxo Antzokian. Sarrera: 2.60 euro.
13:00 Abenduaren 3a euskararena ez ezik, Nafarroaren Eguna ere ospatzen da. Hori dela eta, ohiturari jarraituz, kalejira antolatu du Gorrondatxe kultur elkarteak. Besteak beste, musikariek, abeslariek eta bertsolariek girotutako dute Algorta, Gorrondatxen hasita.
Barrika:
11:30 Kiki eta Koko pailazoen ikuskizuna udal liburutegian.
Berango:
18:00 Ipuin kontalariak, Apika taldearen eskutik, Berangoeta kultur etxeko areto nagusian.
Erandio:
19:00 “Karidadeko Benta” musika ikuskizuna, Astrabuduako Josu Murueta kultur etxean.
Gorliz:
11:30-13:30 eta 16:30-19:30 Umeentzako jolas parkea pilotalekuan: txirrista puzgarri bi, gaztelu puzgarria, boladun etxetxoa, puzgarri estandarra, ludoteka eta herri-kirolak (harri jasotzea, koxkol apustua, txingak, kontabandista lasterketa, sokatira, zaku lasterketa eta trontza).
Lemoiz:
12:00 "Marilo beti lo" antzezlana 3 eta 6 urte bitarteko umeentzat, Armintzako kultur etxean.
17:00-20:00 Jolas parkea 3 eta 6 urte bitarteko umeentzat, Armintzako pilotalekuan: txirrista puzgarria, gaztelu puzgarria eta ludoteka. Toki berean, joku tradizionalen tailerra 4 urtetik gorakoentzat: mila eta bat edalontzi, ahatea harrapatzen...
Sopela:
18:00 "Cantervilleko mamua" umeentzako antzezlana udaletxeko karpan.
Urduliz:
16:30-19:30 Euskaraz olgetan: tailerrak, jolasak, puzgarriak eta hainbat jarduera egongo dira 3 eta 12 urte bitarteko neska-mutilentzat, Iparralde kiroldegiko probalekuan.
Umeak izango dira Euskararen Egunaren protagonistak
2005ko abe. 2a, 22:59
Filme emanaldiak, ipuin kontalariak, antzerki eta musika ikuskizunak, umeentzako jolasak eta beste hainbat jarduera izango dira Uribe Kosta eskualdeko txoko batetik bestera, larunbat honetan, Euskararen Nazioarteko Eguna ospatzeko. Hain zuzen ere, txikienak izango dira eguneko protagonistak; Algortako "Aupa Etxebeste" filmearen emanaldia eta Astrabuduako "Karidadeko Benta" musika ikuskizuna kenduta, eurei zuzenduta daudelako jarduera gehienak. Horrekin batera, Algortan, euskararena ez ezik Nafarroaren Eguna ere ospatzeko musika doinuz eta dantzaz beteriko kalejira antolatu du Gorrondatxe kultur elkarteak, 13:00etatik aurrera. Argazkian, Sopelan izango den Hankatxo produkzioen "Cantervilleko mamua" umeentzako antzezlanaren irudia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun