Euskal Herriak Bere Eskolak bidalitako prentsa oharra:
Ekitaldia goizeko 11etan hasi da, Patxi Saiz kantariak eman dio sarrera bere diska zahar zein berriko kantekin. Dantzari utzi diogu tartea geroxeago. Aurkezleek Euskal Herriko hainbat emakumeren pasarteak plazaratu eta gogora ekarri dizkigute, beraiek bizitzan, historian eta hezkuntzan duten garrantzia gogorarazteko. Jarraian Miren Urkiola harrijasotzaileak hainbat aldiz jaso du harri pisutsu bat.
Miren Urkiolari Xabier Amurizaren bertsoek eman diote segida, eta Edurne Larrañaga, EHBEko bozeramaileak hartu du mikrofonoa geroago. Gotzon Barandiaran idazlea eta Bihotz Bakartien Klubeko kideak poesia bat errezitatu du ondoren, eta bukatzeko, Etxebarriko kantari gazteek Euskal Herri zabaleko hainbat kanta ekarri dizkigute gogora.
EHBEkideok gustora gaude Ekitaldi honek izandako harrerarekin, orotara, 130 inguru lagun bildu garela estimatzen dugu. Kopuru honek, jendarteak ekimen honekiko eduki duen erantzunak eta orohar, "Euskal Curriculuma herriz herri" dinamikak eduki duen hedapenak, aurrerantzean ere gure
lanean gogotsu eta tinko jarraitzera bultzatzen gaitu.
"Euskal Curriculuma herriz herri" izeneko biraren amaiera ospatu dute gaur
2005ko abe. 3a, 22:06
Urriaren 22tik hona Euskal Herriko hainbat herri, tartean gure eskualdeko Algorta eta Leioa, zeharkatu ostean bere amaierara heldu da gaur goizean "Euskal Curriculuma herriz herri" leloko kanpaina. Urrats honen bukaera ospatzeko Euskal Herriak Bere Eskola herri ekimenak nazio ekitaldia burutu du Durangoko Kafe Antzokian, Plateruenan. Goizeko 11:00etatik aurrera, Patxi Saiz kantaria, dantzak, Euskal Herriko emakumeen idazkiak, Miren Urkiola harrijasotzailea, Xabier Amuriza bertsolaria, Gotzon Barandiaran idazlea, BBK olerkarien taldea eta Etxebarriko kantari gazteek jarri dute egunaren alde ludikoa 130 pertsonen aurrean. Bestalde, Edurne Larrañaga EHBEko bozeramaileak orain arteko ibilbidearen hausnarketa egin du eta aurrerantzean ere Euskal Curriculumaren alde "gogotsu eta tinko" egingo dutela lan iragarri du, tartean asteartean, abenduak 6, burutuko den Euscal Curriculumaren aldeko eguna. Argazkian, Edurne Larrañaga / Gaztesarea.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun