Aurten, berriz, solte banatzeaz aparte, Vocento hasi zen Diario Vasco eta El Correo Español egunkariekin bat banatzen, 0,35 zentimoetako gainprezioan. Urtarrilaren 20tik aurrera izan da horrela, gainera formatu txikiago batean, aldizkarikoa eta orrialde gehiagorekin. Banaketa eguna ere aldatu zuten ostiraletik ostegunera. Zabalik.com izan arren, Vocentok astekaria Diario Vascoren webgunean ostatzen zuen eta bizitzaren bitxikeriak direla eta, gaur egun www.zabalik.com tekleatuz gero, Diario Vascoren hildakoen zerrendara ailegatuko da internauta.
Bestalde, Zabalik jaso ditu aurten 206.669 euro Eusko Jaurlaritzak euskarazko hedabideei emandako dirulaguntzetatik, baina ez da Vocentoko hedabide bakarra izan: www.gaurkoenpresa.com webguneak beste 7.586 euro jaso ditu. Berriz, zuredirua.com, helmugako-kamera.com, albisteak.vocento.com, ikusgai.com, bizikletaz.com eta hilberriak.com webguneek ez dute dirulaguntzarik jaso Gasteizko Administraziotik, eskatutako baldintzak ez betetzeagatik.
"Zabalik" aldizkariak abenduaren 29an aterako du azken zenbakia, Argiak sarean jakinarazi duenez. Vocento taldeko hedabideak 1999ko azaroaren 27an plazaratu zuen bere lehenengo zenbakia, Nerea Azurmendi zuzendari zela. Hartutako formatoa lehengo "Eguna" edo "Hemen" egunkarien antzekoa zen, euskara hutsezko egunkaria formatuan baina astekaria maiztasunean. Hasieratik "Zabalik" aisialdi gaiak batez ere jorratu zituen, asteburuari oso lotuta baitzegoen. 2002an errotatibak ematen zituen aukerez baliatuta kolorez hornitu zen "Zabalik".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun