"Euskara sustatu eta horren aldeko ekimenak garatzeko asmoz", lankidetza hitzarmena simatu du Udalbide elkarlan elkartearekin Getxoko Udalak. Horren bitartez, aurten 30.000 euro jasoko ditu Udalbidek. “Dirulaguntza ematetik hitzarmen bat sinatzera pasatu gara, bi erakundeen arteko harremanari izaera sendoagoa ematen diolako”, zehaztu du Iñaki Zarraoa (argazkian) alkateak.
Udalbideren lan ardatzak honako helburu hauetan oinarritzen dira: "euskararen normalizazioaren alde lan egitea, batez ere erakundeen babesa ahulagoa den esparruetan; Euskal Herriko alde desberdinetako erakundeen eta herritarren arteko harremanak landu eta sendotzea; lurralde-antolamenduari eta gizarte eta ekonomi garapenari dagozkien hausnarketak bultzatzea udalerrietan; euskal kultura sustatzea herri administrazioen eta ekimen sozialaren partaidetzarekin, ohiturak eta gaurkotasuna uztartuz; eta Euskal Herriko udalerri eta kanpoko udalerrien arteko harremana bultzatzea", udal agintariak azaldutakoaren arabera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun