Aralarrek L&P SPrings Espainia SLri gaitzetsi dio filosofia horren azpian, "langileriak lortutako eskubide sozialak, 15 urte baino gehiagoko denborarekin kasu anitzetan", etekinik handiena sortzeko "arazotzat" jo izana: "ez du garrantzirik Zamudioko lantegia Estatu espainiarrean errentagarria den bakarra izateak, ez du inporta bezeroengandik lortutako konfiantza. Benetako helburu bakarra AEBetako talde exekutiboaren memorandumean 'aurreko urtekoa baino hainbat ehuneko irabazi handiago' izatean datza".
Industrias Subiñas
Aralar gogoratu duenez, orain dela lau urte, L&P Springs Industrias Subiñas-en jabe egin zenean, "aurreikusitako merkatuaren eskariaren arabera, produkzioan gehikuntza harrigarriei buruz hitz egiten zuten". Era berean, enpresa estatubatuarrak Lezama eta Zamudio artean 10.000 metro kuadroko lantegi berri bat eraikiko zuela adierazi zuen.
"Emaitza ikusita, esandako guztiaren arabera, kudeatzaile txarrak izan dira edo, aitzitik, orain dagoen egoera prestatzeko pozoindutako gozoki batzuk baino ez dira izan".
Azkenik, ezkerreko alderdiak hiritarrei deialdi bat egin die "L&P Springseko langileria lagun dezaten". Horrela, enpresa horretako langileak defendatzean, "geure burua ere defendatuko dugu eta beste enpresariek eduki dezaketen tentaldiaren kontra hesi bat altzatuko dugu". Herritarrei ez ezik
"foru, udal eta administrazio autonomikoari" ere dei egin die Aralarrek, "ezin baitaiteke onartu hemen kokatzen diren enpresek, laguntza publikoak jaso ostean, laguntza horiek desbidera edo ondasunak liberaliza ditzaten, ondoren inbertitzeko lan-“zama” txikiagoko zonaldetan; eta, azkenik, ihes eginez, enpresaren itxieraren giza kostuak bertan utziz".
Zamudioko L&P Springs-ek “ezkutuan egindako itxiera" salatu du Uribe Kostako Aralarrek
2005ko abe. 11a, 20:59
L&P Springs Espainia SL-ko zuzendaritzak Zamudioko lantegiaren inguruan egin berri dituen proposamenek "langile guztiak eta produkzioa bera" Zaragoza eta Jaengo fabriketara "lekualdatzea" dute helburu eta horrek euskal langileri osoarentzat "enpresen deslokalizazio aurrekari larri bat" suposatzen du, Uribe Kostako Aralarrek prentsa ohar baten bidez salatutakoaren arabera. Alderdi abertzalearen aburuz, “arrazoi ekonomiko eta teknikoen zein antolatze edo ekoizpen mailakoen” mozorroaren azpian, lotsagabeko “itxiera” aurrera eramateko borondatea dago, "yanki estilorik harroputzenean, taldearen muina yankia den bezala: garrantzizko kontu bakarra onurak handitzean datza".Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun