Antzezlan berria abendu hasieran estreinatua izan zen Dulantziko (Araba) Txema Blasco antzokian. Galder Perez eta Eloi Beato, azken hau zuzendaria bera, dira lantaldearen buru. Lehenengo emanaldian agortu egin ziren sarrerak. Gauzak horrela, "Todos Nacemos Vascos" obrarekin "Cocidito Madrileño"-rekin lortutako arrakasta berdindu dezakeela uste du produkzio-etxeak.
50 emanaldi
Abenduaren 16an beste bi saio izango dira Zumaiako Aita Mari antzokian, eta ondoren, Elgoibarren (bi ekitaldi), Bilbon (lau saio) eta Leioan (beste lau agerraldi) izango da urtarrilean. Datorren urteko otsailean, berriz, Amurrio, Zalla, Errenteria, Barañain eta Oñatin antzeztuko da. Geroxeago, Gernika, Beasain, Muskiz, Bergara, Ermua, Azkoitia eta Nafarroako zenbait herritan ibiliko da "Todos Nacemos Vascos" antzezlana, 2006ko ekainaren bukaera aldera, Gasteizen hiru agerraldi egin aurretik.
Hiriburu arabarretik gipuzkoarrera joango da ikuskizuna. Donostian 16 agerraldi egingo dira ekain bukaera eta uztaila hasiera bitartean. Bukatzeko, Elgetan antzeztuko da azkenik irailean, herri gehiagotan antzeztea azken orduan zehaztu daitekeelarik, arduradunen hitzetan.
Leioan egongo da ikusgai urtarrilean Oscar Terolen "Todos Nacemos Vascos" liburuaren antzezlana
2005ko abe. 12a, 22:20
Oscar Terol telebista aurkezle eta umoristaren "Todos Nacemos Vascos" liburuan oinarritutako antzerki-lana ekoiztu berri du Glu Glu Produccionesek eta, datorren uda bitartean, 50 emanaldi antolatu dituzte Euskal Autonomia Erkidegoko 19 udalerritan, ikuskizunaren arduradunek prentsa ohar baten bitartez jakinarazi dutenez. Saio horietatik lau Kultur Leioako auditorioan izango dira, urtarrilaren 27 eta 28an. Hain zuzen ere, bina emanaldi egongo da eguneko, 20:00etan eta 22:30ean. Sarreren prezioaren berri ez dute eman oraindik. Gauzak horrela, Uribe Kosta eskualdean, Leioan baino ez da egongo Todos Nacemos Vascos antzezlana (argazkian kartela) ikusteko aukera.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun