Albaro Arri algortarrarekin batera, Idoia Martinez eta Mikel Azurmendi presoak izan ziren epaituak, urriaren 24an, Espainiako Auzitegi Nazionaleako Zigor Aretoaren Bigarren Atalean. 1994ko urtarrilaren 25ean, Madrilgo Ermita del Santo pasealekuan, Espainiako Armadaren furgoneta baten kontra ETAk jarritako bonba-autoaren eztandaren erantzunkizun legalak eskatzen zizkieten. Atentatuan, lehergailuak ez zuen eztanda egin, baina Tedax artezilari-gorputzak autoa lehertu egin zuen 19 zauritu sortuz. Arri eta Azurmendirentzat 701 urteko espetxe-zigorra eskatu zuen fiskalak 30 hilketaren saiakera eta estragoak leporatuta. Martinezentzat, berriz, 690 urte.
Gaiaren inguruko berriak:
Ostegun eta astelehenean ditu epaiketak Albaro Arrik (2005 Urr 18)
Urrian hiru auziri egin beharko die aurre Albaro Arri presoak (2005 Urr 03)
Albaro Arriri 186 urteko espetxe zigorra ezarri diote
2005ko abe. 15a, 17:39
Urriaren 24an egindako epaiketaren ebazpenaren arabera, 186na urteko kartzela zigorra ezarri diete Albaro Arri Pascual "Muni" algortarrari eta Mikel Azurmendiri. Idoia Martinez absolbitu egin dute. "Kontutan hartu behar da Muni aurreko epaiketa batean absolbitu egin zutela, akusazioa beste atxilotu batek torturapean polizia etxean egindako deklarazioan soilik oinarritzen zelako. Gainera, orduan erabilitako frogabide berdinak erabiliz kondenatu dute orain Muni. Frogabide horiek epez kanpo aurkeztu zutela salatu du Muniren abokatuak, eta hala ere onartu eta horietan oinarrituta zigortu dute", Uribe Kostako Amnistiaren Aldeko Mugimenduak Etengabe.org bitakoraren bidez salatu duenez. Gauzak horrela, Arriren abokatuak kasazio errekurtsoa egingo du. Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun