EHUren 25 urteen "kritika" egin dute Klaustroan hainbat taldek
2005ko abe. 15a, 18:59
"EHUren 25. urteurrenaren gaineko ikuspegi kritikoa zabaldu eta beste unibertsitate kudeaketa bat eskatzeko asmoz", 50 lagun bildu dira Leioako campuseko areto nagusiaren aurrean, Ez Donk 25 plataformak egindako deialdiari erantzunez. Izan ere, bertan egin da gaur, Klaustroaren bilera. Euskal Herriak Bere Eskola erakundeak ere beste ekintza bat burutu du bere kabuz. 10:45ak aldera hasi da batzarra eta EHBEko kideek EHUren 25 urteen inguruko idatzia irakurtzeko baimena eskatu diote Juan Ignacio Perez Iglesias errektoreari. Horrek, ordea, ez die baimenik eman, ezta mikrofonoa hartzen utzi ere. Gauzak horrela, EHBEko lau kide agertokira igo dira, "UPV iruzurrik ez Euskal Herritarroi. Guk ez dugu ezer ospatzeko" irakur zitekeen pankarta erakutsi eta idatzia irakurtzeko. Megafoniaren bidez irakurri dute azkenean gutuna. Argazkian, Ez donk 25 plataformaren informazio astearen irudia Leioako campusean / Gaztesarea.net."Ekimena lasaia izan da. Perezek esandakoaren arabera, ekintza hau aktan erregistratua geldituko da, ez ordea idatzian irakurri den mezua", EHBEko kideek kritikatu dutenez. Dena dela, aipatzekoa da idatzia errektoreari lagatzea lortu dutela. "Espero dugu hau berau arretaz irakurtzea", adierazi dute taldekoek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun