Urtarriletik aurrera pare bat ikastaro kendu eta beste berri batzuk eskainiko ditu Gobela kiroldegiak
2005ko abe. 16a, 15:28
Getxo Kirolak udal erakundeak ikastaro berriak eskainiko ditu, datorren urtarrilaren 9tik aurrera, Itzubaltzeta / Erromoko Gobela kiroldegian: aerobic, igeriketa, padel, tenis eta yoga egongo dira aukeran. Halaber, egun horretatik aurrera ere helduentzako bi tenis ikastaro kenduko dituzte Gobelan eta aerobica Faduran. Itzubaltzeta / Erromoko kiroldegiko eskaintza berria baliatu nahi duten guztiek, gaurtik aurrera eman dezakete izena, goizez zein arratsaldez. Salneurri eta gainontzekoen inguruko argibideak eskatzeko 944 045 151 telefono zenbakira deitzerik badago.Aerobic ikastaroak, 16 urtetik gorakoentzat izango dira, astearte eta ostegunetan, 19:30etik 20:20ak arte eta 20:30etik 21:20ak arte. Igeriketan, umeentzako gaitasun ikastaroak eskainiko dira bi taldetan: astearte eta ostegunetan, 17:00etatik 17:50ak arte, eta astelehen eta asteazkenetan 18:00etatik 18:50ak arte. Padel eskaintza helduentzako izango da, hobetze aldera: astelehen, asteazken eta ostiraletan, 10:30etik 11:20ak arte; eta haur hasi berrientzako tenisa egun beretsuetan izango da, 18:30etik 19:20ak arte. 16 urtetik gorakoek yoga izango dute, astearte eta ostegunetan, 19:30etik 20:50ak arte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun