Gizonezkoen probako irabazleak Euskadiko Kutxa Sari Nagusia eskuratuko du. Aurten 600 eurokoa da eta Tadeo Nadak ezarritako 26 minutu eta 49 segundoko marka hausten badu 600 euro gehiago izango ditu txapeldunak. Coca Cola saria lehenengo emakumearentzat izango da. 600 euro horiez gain, 600 euro gehiago izango ditu irabazleak, Estibaliz Urrutiak berak ezarritako 31 minutu eta 11 segundoko marka hausten badu .
Dominak guztientzat
Bestelako sariak ere banatuko dira. Helmugara iritsiko den ororentzat oroitzapenezko dominak egongo dira eta maila bakoitzeko (gizonezkoa eta emakumezkoa) irabazleentzat garaikurrak. Gainera, gutunazal itxien sistemaren bidez elastikoak, kirol-materiala eta opariak banatuko dira. Algortako Telletxe plazara iristen den lehen lasterkariari, berriz, Tangora kafetegiaren sari berezia emango zaio. Coca Cola dastatzeko aukera ere egongo da. Testigantzazko proban, 1991 urtetik aurrera jaiotako lehen bi mutiko eta bi neskei ere garaikurrak emango zaizkie.
Korrikalari ugari bilduko ditu biharko Itziar Lopez Uralderen oroimenezko lasterketak
2005ko abe. 17a, 19:06
Itziar Lopez Uralderen Oroimenezko XXII. Lasterketa egingo da igande honetan, abenduak 18, eta antolatzaileek aurten ere jendetsua izatea espero dute, 3.500 korrikalari bilduko baitira, euren iragarpenen arabera. Iazko ekitaldian kopuru berdintsua batu zen. Testigantzazko proba 10:30ean abiatuko da Fadura paretik eta, Berangoko mugetara iritsi ondoren, kiroldegira joango dira bueltan parte-hartzaileak. Bi kilometroko luzera du ibilbideak. Ordu erdi beranduago, berriz, federatuentzako lasterketari emango zaio hasiera, Fadura kiroldegiko etxe nagusiaren aurrean. Jolaseta aldera egin eta Areetan sartu ostean, irteera lekuratz abiatuko dira berriro ere korrikalariak. Bertan, atletismo pistari bira eman beharko dute helmugan sartzeko. Guztira 9 kilometro dira. Bilboko Herri Krossaren ostean, Bizkaiko herri lasterketak garrantzitsuena da Getxo udalerrikoa. Guillermo Arnedo eta Estibaliz Urrutia (argazkian) dira aurtengo faborito nagusiak.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun