Ezbeharra 08:30ean izan da, N-1 errepidean, Bodeguillas(Segovia) parean, Madrildik 100 bat kilometrora. Antza, bederatzi auzipetuak zeramatzan furgonetak beste ibilgailu batekin egin du talka. Bidaiariak San Sebastian de los Reyes (Madril) ospitalera eraman dituzte, zaurien larritasuna aztertzeko. Gehienek lepoan hartu dute min. Haiekin direnek ziurtatu dutenez, inork ez du min handirik izan.
Gaiaren inguruko berriak:
Istripua izan duten auzipetuei etxera joateko baimena emanda, ahozko auzi saioari ekin diote (Berria.info)
Auziperatuek izandako auto-istripua "mendeku politikarekin" lotu du Itzubaltzetako Batasunak
2005ko abe. 19a, 22:20
Txema Matanzas, Alberto Frias, Iñaki O'Shea, Andoni Diaz Urrutia, Bixente Askasibar, Xabier Balantzategi, Marta Perez, Ana Lizarralde eta Olatz Egiguren 18/98 sumarioan auziperatuta dauden bederatzi lagunek gaur goizean izandako auto-istripua Espainiako Gobernuak darabilen "mendeku politika" barruan kokatu du Itzubaltzeta / Erromoko Batasunak. Behin eta berriz ikusten ari gara, zenbaiteraino iristen ari den mendeku polítika estatu errepresiboen aldetik. Lehenengo eta behin, ezagutzen eta onartzen ez dugun salbuespen epaitegi batera eramaten gaituzte euskal herritar disidenteok. Baina, antza, mendeku polítika haratago doa: errugabe izateko eskubidea ipurtzulotik pasa, eta auzipetu guztiak behartzen dituzte zortzi hilabetez (edo urte betez) egunero Espainiako Auzitegi Nazionalera joaten, nahiz eta epaitutako pieza edo zatiak auzipetu batzuena baino ez izan", adierazi du prentsa ohar bidez ezker abertzaleko taldeak. Auziperatuen artean Paul Asensio algortarra eta Leioako EHUko campuseko Kazetaritza Fakultateko irakasle kaleratua den Jexuxmari Zalakain daude. Argazkian, 18/98+ lantaldearen Kaiera ekimena EHUko Leioako campusean, Zalakain bertan dela, zutik eskuinetara / Gaztesarea.net.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun