Ibilbidean zehar, Leioako dantza taldeak, Nagusien abesbatza, trikitilariak eta txistulariak arituko dita. Baita bertsolariak ere, hasieran eta amaieran. Honako hau izango da kalejirak jarraituko duen bidea: Elexalde errota, Boulevard, Sabino Arana etorbidea, Luis Bilbao Libano kalea, Euskal Etxeen plaza, Boulevard, Errekalde plaza eta Kultur Leioa.
Antzerki tailerra, ludoteka, eskalada...
Gabon hauetako berrikuntza gisa, antzezlana eskainiko dute 8 eta 12 urte bitarteko neska-mutilek, Getxo eta Barakaldo udalerrietako antzerki eskolek lagunduta. Helburu horrekin, abenduaren 26tik 30era eta urtarrilaren 2an eta 3an egingo dira entseguak, 11:30etik 13:30era. Antzerki saioa, berriz, urtarrilaren 4an izango da, 20:00etan, Kultur Leioako auditorioan.
Egitarauarekin jarraituz, ludoteka izango dute, kultur aretoan, 2 eta 6 urte arteko umeek eta hainbat tailer 6 eta 12 urte artekoek. Aipatu jarduerak urtarrilaren 2tik 5era izango dira, 10:00etatik 13:00etara eta 17:00etatik 19:00etara. Tailerretan parte hartzeko, euskeraz zein erderaz, euro bat ordaindu beharko da.
Gazteek ere (12-17 urte) izango dute zertaz gozatu. Horientzako eskaladan trebatzeko ikastaroa antolatu du Sakoneta kiroldegian, Leioako Udal Euskara Zerbitzuak. Beraz, hizkuntza horretan egingo da aipatu jarduera, urtarrilaren 2tik 5era, 10:00etatik 12:00etara. Izen-ematea 5 eurokoa izango da.
Errege Magoak eta aeromodelismoa
Urtarrilaren 5ean, gozokiak banatuko dituzte Leioako kaleetan zehar, Errege Magoek. Kabalgata Sakoneta kiroldegitik abiatuko da 18:00etan, Sabino Arana etorbidea, Luis Bilbao Libano kalea eta Boulevard-a igaro ondoren, Kultur Leioan amaitzeko. Azkenik, egitarauari amaiera emateko, aeromodelismoaren gaineko erakusketa izango da urtarrilaren 8an, Sakonetan, 11:00etatik 14:30era eta 16:30etik 20:30era.
Gabonak gainean ditugula, batez ere haur eta gazteei zuzendutako egitarau zabal eta anitza antolatu du Leioako Udalak, urtarrilaren 8ra bitartean. Olentzeroren kalejira baino lehen ikazkin zaharrari gutuna idazteko aukera izango dute neska-mutilek; baita Kultur Leioan entregatzeko ere, abenduaren 24a baino lehen, 9:00etatik 14:00etara eta 16:30etik 19:30era. Horretaz gain, elkarte zein ikastetxeek egindako Olentzeroak egongo dira ikusgai kultur zentroan bertan, urtarrilaren 8ra arte. Eta ostiral honetan, abenduak 23, tamaina handiko jaiotza jarriko dute Kultur Leioan, leioztar guztiek ikus dezaten, 10:00etatik 13:00etara eta 16:00etatik 18:00etara bitartean. Egun horretako ekitaldiei amaiera emateko, ipuinkontalaria egongo da 18:00etan eta txokolate-jana ordubete beranduago. Ohi bezala, abenduaren 24an Olentzerori abestera irtengo dira kalera udalerriko hainbat kultur taldek. Kalejira 18:00etan abiatuko da Elexalde errotatik, ordu bete beranduago, Kultur Leioan ikazkinari harrera egiteko. Argazkian, Kultur Leioako Olentzeroa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun