Baina, HAPOn aldaketak egiteko beharrizan legalak alde batera utzita, Getxoko PSE-EEko bozeramailearen ustez, "desegokia da eta getxoztarrenganako errespetu demokratiko falta izugarria suposatzen du lursail horiek ekipamendu publikoetarako izatetik pribatuetarako izendatzeak, Udal Gobernuak bertan zer proiektu egiteko asmoa duten argitu gabe. Bestalde, "sinestezina" iruditzen zaio Almansari, EB bezalako talde politiko ezkertiarrak ekipamendu publikoen "jendartearekiko lotura ezabatu" nahi izatea.
Osoko bilkura
Astearteko udal batzarrean, Getxoko Udalak "bertan ekipamendu publikoa jartzeko asmorik ez" duela argudiatu zuen Iñaki Urkiza Gizarte Zerbitzu, Etxebizitza eta Hirigintzako Plangintza zinegotziak, HAPOn aldaketa egin eta Algortako Portu Zaharreko zabaldegiaren kalifikazioa aldatzeko. "Balizko ekipamendu pribaturen bat jarriko balitz eta diru-galerak egongo balira, Udalak ordaindu beharko lituzke horrela ez egitekotan", azaldu zuen Urkizak, Galeako gotorlekuan, Punta Begoñan eta La Olan igaz gauza bera egin zela adieraziz. Aldaketaren arrazoia "ekonomikotzat" jo zuen.
"Badaezpada" aldatua izateko, HAPO "gauza serioa" dela erantzun zion Iñaki Urkizari Rafael Moreno zinegotzi popularrak. Horretarako "pisuzko arrazoi politikoa" behar dela adierazi zuen Morenok. Hala ere, aitortu zuenez, "bertan ekipamendu publikoa jartzearen alde dago PP –kulturgune balioanitzari buruz– Beraz, aldaketa ez zaigu balio". Luis Almansa sozialisten ordezkaria, berriz, hurrunago joan zen. Kontrakoa esan arren, orube horretarako proiekturen bat eskuartean izatea egotzi zion Udal Gobernuari; antza, prentsan irakurritakoan oinarrituz, akuarioa aipatu zuen berak.
Portu Zaharreko zabaldegiari buruzko erabakiaren aurka, administrazioarekiko auzi errekurtsoa aurkeztea aztertzen ari da Getxoko PSE-EE
Algortako Portu Zaharrean, antzinean igerilekuak kendu izanak utzitako zabaldegiari buruz, udal batzarrean hartutako erabakiaren aurka, administrazioarekiko auzi errekurtsoa aurkeztea aztertzen ari direla jakinarazi du gaur Luis Almansa (argazkian) Getxoko PSE-EEko bozeramaileak. EAJ, EA eta EB-Berdeak alderdiek osatzen duten Udal Gobernu Taldearen ekimenez, Hiri Antolamendurako Plan Orokorrean (HAPO) aldaketa zehatza egitea erabaki zen, astearteko osoko bilkuran, orubea ekipamendu publikoetarako izatetik pribatuetarako izendatzeko. Getxoko Udalak "bertan ekipamendu publikoa jartzeko asmorik ez" duela argudiatu zuen Iñaki Urkiza Gizarte Zerbitzu, Etxebizitza eta Hirigintzako Plangintza zinegotziak, HAPOn aldaketa egiteko. Hala ere, erabaki horrek Administrazio Prozedura Legea urratu dezakeela uste du Almansak. Sozialistek ez ezik popularrek ere bozkatu zuten aurka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun