Estatu mailan egiten ari den kanpainaren barruan, I. Haur Zinema Jaialdia, La Caixa aurrezki kutxak 4.600 sarrera baino gehiago banatuko ditu Bizkaiko euskal ume eta beren senideen artean Gabonetan zinemara joateko. Banketxeak prentsa-ohar bidez zabaldutakoaren arabera, doako sarrerak oparituz familiek "txikienak protagonista nagusienak diren aisialdiko, kultur eta belaunaldi ezberdinetako jarduerekin goza" dezaten bilatu dute. Doako sarrerak ServiCaixaren edozein kutxazainean lor daitezke, kreditu txartela izatekotan berau erabiliz. Krispetak erosteko bonoak eta dozenaka karaokeen zozketa txartela ere eskura daitezke. Programatutako hiru filma erdaldunen ("King Kong", "Doce fuera de casa" eta "Tiovivo Mágico") doako emanaldiak goizeko 11:00ak eta 11:30ak bitartean hasiko dira urtarrilaren 3, 4 eta 5ean (asteartea, asteazkena eta osteguna) Artea merkataritzaguneko sei zinema-aretotan. Argibide gehiago nahi izanez gero, 902 333 231 telefonora dei daiteke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun