Gaiaren inguruko berriak:
Albaro Arriri 186 urteko espetxe zigorra ezarri diote (2005 Abe 15)
Ostegun eta astelehenean ditu epaiketak Albaro Arrik (2005 Urr 18)
Urrian hiru auziri egin beharko die aurre Albaro Arri presoak (2005 Urr 03)
Beste 208 urteko espetxe zigorra ezarri diote Albaro Arriri
2006ko urt. 4a, 21:59
Irailaren 22an hasi eta urriaren 20an amaitu zen epaiketaren ebazpenean jasotzen denez, fiskalak eskatutako 208 urteko kartzela zigorra ezarri diote osorik Albaro Arri Pascual "Muni" euskal preso politiko algortarrari, Veguillas teniente jeneralaren eta bi langileren heriotza leporatuta. Uribe Kostako Amnistiaren Aldeko Mugimenduak Etengabe.org bitakoraren bidez salatu duenez, "epaiak egiaztatutzat jotzen ditu hainbat gauza epaiketan eztabaidatu ez zirenak, besteak beste ekintzan gertatu ziren zaurituak nortzuk izan ziren eta euren zaurien tamaina eta ondorioak nolakoak izan ziren". Arriren abokatuak kasazio helegitea aurkeztuko duela jakinarazu du, "epaiaren fundamentazioa juridikoki hutsala delako". Aurreko epaiketa batean beste 186 urteko zigorra jarri zion algortarrari Espainiako Auzitegi Nazionalak, eta beste batean hamar urte; 404 urte guztira.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun