Gutun bakoitzak eduki beharreko ezaugarriei dagokienez, bi orri hartuko ditu gehienez, alde batetik bakarrik idatzita. Paperaren ezaugarriak (kolorea, usaina eta ehundura) norberak aukeratutakoak izango dira. Epaimahaiak, gainera, estiloa, kontaketaren garapena, aurkezpena eta originaltasuna hartuko ditu kontutan eta, eskuz idatzitako lanak badira, kaligrafia ere bai. Logikoa denez, gutunek beste lehiaketa batean saritu gabeak, jatorrizkoak eta argitaratu gabeak izan beharko dute.
Besteak beste, hiruna kopiatan aurkeztuko dira eta izenburua edo izengoitia soilik eduki beharko dute, egilea identifika dezakeen xehetasunik gabe. Jatorrizkoarekin batera, eta kartazal itxian, egilearen datuak jarriko dira (izena, deiturak, helbidea, jaioteguna, telefonoa eta, posible bada, posta elektronikoa). Kartazalaren kanpoaldean idazlanaren izenburua edo izengoitia eta zein kategoriari dagokion jarriko da. Leioako kultur arduradunek ohartarazi dutenez, aurkezteko baldintzak betetzen ez dituzten lanak atzera botako dira.
Sariak
Kategoria bakoitzeko honako sariak banatuko dira: irabazlearentzat, 250 euro, garaikurra eta diploma; eta bigarrenarentzat, 125 euro, garaikurra eta diploma. Egileek ezin izango dute sari bat gehiago lortu. Gainera, sariak eman gabe gera daitezke, epaimahaiak hala erabakitzen badu, antolatzaileek adierazi dutenez. Gauzak horrela, epaimahaiaren erabakia nahitaez onartu beharrekoa izango da eta beraren iritzia nagusi izango da. Sariak otsailaren 17an banatuko dira, 20:00etan Kultur Leioan. Ekitaldi horretan, saritutako lanak irakurriko dira.
Azkenik, Leioako Udalak lan guztien jabetza bereganatuko du; baita eurak erakutsi, berregin edo argitaratzeko eskubidea ere. Ez da egile eskubiderik eskatzerik izango. Lanak Udalaren kultur ondare izatera ugaroko dira eta ezin izango dira salerosketa gai izan. Lehiaketa honetan parte hartzeak oinarrik oso-osoan onartzen direla esan nahi du.
Urtarrilaren 13ra arte dago Leioan maitasun gutunak aurkezteko aukera
2006ko urt. 5a, 19:28
Leioako udal arduradunen iritziz, gutuna literatur generoa da berez. Gauzak horrela, sentimenduak komunikatzea sustatu eta genero horren aberastasuna berreskuratzeko asmoz, Maitasun Gutunen VII. Lehiaketa deituko dute. Nahi duten lagun guztiek parte hartu ahal izango dute, lau kategorietan bananduta: 18 urtera arte, 19 urtetik 30 urtera, 31 urtetik 55 urtera eta 56 urtetik gora. Partehartzaile bakoitzak nahi beste gutun aurkeztu ahal izango du, euskaraz zein erderaz. Lanok urtarrilaren 13ko 14:00ak baino lehen aurkeztu beharko dira Pinueta kultur aretoan (Lapurdi, 3 / 94 464 67 22) edo Kultur Leioan (Jose Ramon Aketxe plaza, 11 / 94 607 25 78), hara joanda ala postaz bidalita eta kartazalaren kanpoaldean “Maitasun Gutunen VII. Lehiaketa” jarrita. Bidaltzen diren lanak bidean hondatu edo galtzen badira antolatzaileek ez dute erantzukizunik hartuko, jakinarazi dutenez. Postaz bidalitako lanak, berriz, zigiluz markatuta egon beharko dira, urtarrilaren 13ko dataz beranduenez.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun