Ezin da ulertu Euskal Herriko eragileek gatazkaren konponbidean ahalegin handiak egiten diharduten bitartean nola Leioako udaleko gobernuak norabide honetan lagundu beharrean oztopoak jarri besterik ez duen egiten, eta gero eskubide ororen defendatzaile direla entzun beharko dugu: hipokresiarik ez, faxismorik ez… Olentzeroa ere euskal preso politikoen eskubideen alde!
Bego Luzaide Gana, Leioako Amnistiaren Aldeko Mugimenduaren izenean
Nafarroan Guardia Zibilak Olentzero bahitu… eta Leioan zentsuratu!
2006ko urt. 10a, 17:21
Bai, hala da, harrigarria suerta daitekeen arren Leioako Udalak Olentzeroari zentsura aplikatzen arazorik ez du. Zergatik zentsuratu? Udaleko arduradunen hitzetan “politikoa” omen delakoan. Udaleko Kultura Sailak Eguberrien testuinguruan Olentzero erakusketa antolatu zuen, herriko elkarteek eginiko Olentzeroen erakusketa alegia. Herriko zenbait elkartek parte hartu zuten ekimen honetan, eta berauetako batek egindako Olentzeroa da kultura teknikariak “politikoa” zelakoan erakusketatik kanpo utzitakoa. Olentzero honek euskal preso politikoen sakabanaketa salatu eta gatazkaren konponbidearen parte badirela aldarrikatzen zuen. Politikoa dela? Jakina baietz! Baina gure herrian ematen den errealitatea ere bada, eta errealitate hau ezkutatu nahi izatea, horixe bai badela politikoa, are gehiago, Olentzero honen xedea presoen eskubideak aldarrikatzea izanik honi zentsura aplikatzea ekintza politikoa ez ezik kutsu faxistakoa ere badela esango nuke.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun