Saratxagak berak olatu horrek dauzkan berezitasunak azaldu zituen abenduan egindako aurkezpenean: "olatu luzea da, 200 bat metroko ibilbidekoa. Gainera, tamainari ondo eusten dio; hartzen duzunean 4 metro edukira, apurtzen denerarte tamaina berbera mantentzen duen olatua aurkitzea zaila da". 60 metro altuerako itsas-labarreko oinean apurtzen da olatua, Abra badiako eskuinaldean, Bilboko portuaren aurrean. Lurretik hurbiltzea oso zaila denez, olatua hartzeko itsasontziz joatea komeni da, Getxoko Kirol Portutik hiru miliatara egonda.
Lehiaketa berezia eta ikusgarria
Lehiaketako formatoa berezia izango da: sei parte-hartzailek osaturiko bi txanda burutuko dira eta ekitaldiak bi ordu iraungo du: ordu bat txanda bakoitzeko. Ur barruan zein kanpoan egon, parte-hartzaileak izango dira olatu handiena puntuatuko dutenak, baita surflaririk osoena, jaitsiera erradikalena eta 'wipe out' handiena burutzen duena ere. Zonalde horretako ezaugarriak direla eta, antolatzaileak eta surflariak itsasontziz joango dira uretan sartzeko erraztasun handia izan eta olatuak hobeto aztertzeko. Txapelketa labarretik ikusteko aukera izango dute ikusleek, eta hizlari bat izango da.
Sariei dagokienez, 4.100 euro eta Full & Cash etxeko bi surf-taula banatuko dira. Gainera, partaide guztiek 200 euroko saria jasoko dute parte hartzeagatik. Horrela banatu dituzte sariak:
- Olaturik handiena: 1.200 euro + garaikurra + txapela.
- Surflaririk osoena: 600 euro.
- Jaitsiera erradikalena: 400 euro.
- Wite out: 300 euro.
Dagoeneko data jarri diote Getxoko uretan jokatuko den Punta Galea Big Challenge olatu handiko txapelketari. Larunbat honetan (urtarrilak 14) izango da, 11:00 eta 12:00ak artean hasita. Bertan, 12 surflarik lau metro baino gehiagoko olatuen gainean ibili beharko dute. Horietatik zortzi Uribe Kosta eskualdekoak. Barrikako David Bustamante; Getxo udalerriko Iker eta Eneko Acero (argazkian / EHSF), Dani Diez, Peio Etxeberria, Jaime Fernandez eta Iker Fuentes; Sopelako Aritxa Saratxaga; Torrelavegako Pablo Solar; eta Zarauzko Aritz Aranburu, Asier Munain eta Ibon Amatriain dira aukeratutako surflariak. Baldintza bereziak behar dituen ekitaldia denez, abenduaren 3tik urtarrilaren 15era jarri zuten txapelketa egiteko denbora, itsas-baldintzen arabera egunik aproposena hartzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun