Getxo Ekinean egitasmoari jarraipena eman diote, langabezian dauden herritarrei lana biltazen laguntzeko asmoz
2006ko urt. 13a, 13:55
Bizkaiko Foru Aldundia eta Europako Fondoaren dirulaguntzarekin, Getxo Ekinean II egitasmoa abian jarri du Getxoko Udalak, 2006ko urtarriletik 2007ko uztailaren 25era arte garatuko dena. Ekimen horretan 70 bat lagunek parte hartuko dute, aurreikuspenen arabera, eta aurretik egin diren Enplegua Indartzen, Enplegua Indartzen Plus eta Getxo Ekinean programen jarraipena izango da. Udal arduradunen hitzetan, aurreko deialdiaren antzera, "langabezian dauden getxoztarrei lana biltazen laguntzea da helburua", ondorengo arlo hauetan: hirugarren adina, haurtzaroa eta menpeko pertsonentzako zerbitzuak. Oraingo honetan, arreta berezia eskainiko zae lana topatzeko zailtasun handiagoak dituzten eta udal Gizarte Zerbitzuen laguntza jasotzen duten lagunei, baita etorkinei ere. Aipatu enplegu-sorguneak beste lan esparru batzuetara zabaldu daitezke, aipatu dutenez, baztertuta edo baztertzeko arriskuan dauden langabetuak badira. Argazkian, Getxoko Behargintza.Getxo Ekinean II barruan garatuko diren jardueren barruan, lana bilatzeko, norberari egokitutako ibilbideak jorratuko dira, orientazioa, trebakuntza eta lantegiko praktikak eta bekak tartekatuz. Horretaz gain, kalitatea eta lana bilatzeko eginbideak jorratuko dira. Egitasmoaren aurrekontua 407.700 eurokoa da. Horretatik, %45a Europako Gizarte Fondoak jarriko du; %30a Udalak berak; eta gainontzeko %25a Bizkaiko Foru Aldundiak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun