Gezurrezko txanponei dagokienez, bi eurokoa da gustukoen dutena faltsutze mafiek, gero euro batekoa eta 50 centimokoa. Hortik behera badira faltsutzen direnak ere, baina ia ez daukete bolumenik.
Guztira, azken hiru urteotan 165.272 txanpon inkautatu dira, erdia baino gehiago, 96.000 ale, azken 2005 honetan. Hala ere, txanponen inkautazioak oso eskasak izan direla azaldu dute BCEko arduradunek, gaur egun 63 milioi txanpon faltsu aurreikusten direla azaldu baitute.
Txanponetan gehien faltsutu dena Alemaniakoa izan da, Frantzia, Espainia, Belgika, Italia, Austria, Herbereak, Irlanda, Grezia eta Luxemburgokoak atzetik jarraitzen diotelarik. Aurretik aipatutako billete zein txanpon faltsuen inkautapena Europol eta Interpolek gauzatu dituzte, BCErekin koordinatuta.
Europar Batasunean gehien faltsutzen diren bileteak 50 eta 20 eurokoak dira, 2005eko bigarren seihilekoan faltsuketa guztien %84 hain zuen ere, guztira 286.000 bilete faltsu merkatuan topatu baitira. Txanponetan, bi eurokoa izan da faltsutuena, euroa sortu zenetik bi euroko 165.272 txanpon faltsu harrapatu direlarik, Europako Banketxe Nagusiak (BCE) jakinarazi duenez. 50 eta 20 euroko bileteen ostean 10 eurokoa da faltsutuena, balio handiko bileteak ia faltsutzen ez diren bitartean, soilik bilete iruzurgileen %2 osatzen baitute 100, 200 eta 500 eurokoek. Azkenik, 5 euroko bileteari kasurik ez omen diote egiten faltsutze-mafiek. Euroen faltsuketa hauen ia guztiak eurogunean ematen da, kasu guztien %97 Europar Batasunaren barnean aurkitu baitira bilete faltsuak. Hortik landa topatutako gehienak, %2, Ekialdeko Europan topatu dira. Irudian, BCEk bilete faltsuak antzemateko sistemak azaltzen ditu bere webgunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun