Segurtasun handiagoa nahi
Era berean, azpiegituren gaiaz aparte, Marisa Arruek azpimarratu du "gure ikastetxeetan segurtasuna hobetzeko eta bandalismoa oztopatzeko lan egin behar dugula" eta ziurtatu du Romo ikastetxeko zuzendaritzak zein gurasoek "urteak eman dituztela segurtasun handiagoa eskatzen" eta alkateari eskatu dio "behar" hori betetzea.
PPren ustez, "gure ikastetxe publiko guztien azpiegiturak duintasunez zaintzeko nahiko polizia dugu, eta gainera segurtasun pribatua kontratatzera jo dezakegu, beharrezkoa bada". Arruek zehaztu duenez, zaintza lanak egin daitezen behar handien duen ikastetxea Itzubaltzeta / Erromokoa da, "gure alkateak berriro ere ahaztutako auzokoa".
Romo ikastetxe publikoaren azpiegiturak hobetzea eskatuko du gaur Getxoko PPk
2006ko urt. 16a, 10:00
Gaur bertan, astelehena, bilduko den Kultura, Kirola eta Hezkuntzako Udal Batzordean Getxoko PPren ordezkariek Romo ikastetxearen baldintzak salatu eta egoera hobetzea eskatuko dute, alderdi politiko horrek prentsa ohar batez aurreratu duenez. Marisa Arrue bozeramaile popularraren arabera, "ezin da onartu gurea bezalako udalak azpiegitura batzuk hain baldintza txarrean edukitzea, horrek erakusten baitu Iñaki Zarraoa gure alkatea hiritarren arazoak konpontzeko lanean baino beste afera batzuetan dagoela lanpetuta". Arruek gaineratu du "ikastetxe honen egoeraren aurrean premiazkoa zen era zuzenean egokitzea, baina Udal Gobernuak denbora oso baliogarria galdu du eta Gabonetako oporretan egin ez dituzten lanak orain egin beharko dituzte, haurrak eskolan daudela. Alderdi Popularretik horrela eskatuko diogu hurrengo batzordean ardurak dituen Gerediaga zinegotzi jaunari".Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun