"Bitxia bada ere, gutxienez horietako bat eraikitzeko baimena eman du Barrikako Udalak", Txipio Baik adierazi duenez. Elkarte naturistak zehaztutakoaren arabera, horren gaineko informazioa eskatu zioten tokiko erakundeari, baina ukatu egin zitzaien. Diotenez, "gauza bera gertatzen ari da Bustun. Nekazaritza eta abeltzaintzarako babesa duen eremua erabiltzen ari dira Barrikabason eraikitzeko materialak pilatzeko". Horren gaineko datuak ere ukatu omen zizkion Txipio Bairi Udalak.
Gaiaren inguruko berriak:
EAEko Auzitegiak Barrikabasori buruz hartutako erabakia helegingo du Aldundiak (2005 Urt 13)
Barrikabason ezin daitekeela eraiki ebatzi du EAEko Auzitegi Nagusiak (2004 Abe 29)
Barrikako Udalaren aurkako hiru helegite aurkeztu ditu Txipio Baik, elkarte naturistako kideen arabera, "Barrikabaso eta Bustu eremuen gaineko eraikuntza-egitasmoei buruzko datuak ukatu egin dizkigulako". Ekologistek gogoratu dutenez, bere garaian, "eztabaida handia" sortu zuen, 85 txalet altzatzeko asmoz, Barrikabaso birkalifikatzeko erabakia, aipatu zonaldea "babestuta zegoelako eta ezin zelako bertan eraiki". Orduan ere errekurtsoa aurkeztu zuen Txipio Baik eta Barrikako kostaldeko 65 hektaretako lur-eremuan eraikitzea ahalbidetzen zuen erabakia baliogabetu zuen EAEko Justizia Auzitegi Nagusiak. Bizkaiko Foru Aldundiak, aldiz, epaiaren aurkako helegitea aurkeztu zuen Espainiako Auzitegi Gorenean eta, gaur egun, afera aztertzen ari dira. Hala ere, "hamalau txalet egin dituzte bertan eta beste hainbat altzatzen ari dira", Txipio Baik salatu duenez. Argazkian, Barrikabasoko San Telmo aldea ikus daiteke atzealdean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun