Zirkuituan joko duten lehenengo hiru taldeak programatuta daude jadanik. Gauzak horrela, Leioan, ostiral honetan (urtarrilak 20) emango du kontzertua Daniel Amatek (pianoa), La Esquina Caliente taldea osatzen duten Javier Alzola (saxoa), Julio Andrade (baxua) eta Blas Fernandezekin (bateria) batera. Jazz latinoa jorratzen du Amatek. Oso gaztea zela hasi zen bere jaioterria den Kubako akorde eta erritmoak ikasten. Esan bezala, kontzertu honetan La Esquina Caliente taldea izango du lagun. Euskal Herrian aski ezagunak diren musikariek osatzen dute taldea. Izan ere, Kepa Junkera, Gontzal Mendibil eta Mikel Urdangarinekin aritu dira noizbait. Emanaldia Kultur Leioako Cafe Ambigu-an izango da, 22:00etan. Sarrera 3 euro.
Hurrengo bi kontzertuak otsailaren 17an eta martxoaren 17an izango dira, ostirala biak, eta The Graham Foster Trio eta Four Friends taldeak aritu dira, hurrenez hurren.
Basauri eta Zornotzarekin batera, Jazz-Blues zirkuitua sortu du Leioak
2006ko urt. 18a, 19:18
Euskal Herrian uztailean egiten dira Getxo udalerriko, Gasteizko, Donostiako eta Baionako jazzaldiak. Horrela, urtean zehar egon ohi den hutsunea bete eta jazz eta blues musikari egonkortasuna emateko xedez, Jazz-Blues zirkuitua sortu dute Basauriko, Leioako eta Zornotzako udaletako Kultura Sailek. Zirkuituaren baitan, hilabeteko kontzertu bana eskainiko dute, urritik apirilera bitartean. Hain zuzen ere, hiru udalerrietan joko du, jarraikako egunetan, dagokion taldeak. Gaur, urtarrilak 18, emango dute lehenengo kontzertua, Basaurin. Daniel Amat eta La Esquina Caliente taldea ariko da. Bihar eta etzi, berriz, Zornotzan eta Leioan arituko da laukotea. Argazkia: Kultur Leioan izango da urtarrilaren 20ko emanaldia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun