Getxo udalerria "aitzindaria" izan zen ekimen hau 2001eko maiatzean martxan jarri zuenean, Zarraoak aipatutakoaren arabera. "Harrez geroztik arropak zaharberritzeko ohitura areagotzen ari da, eta horrek ekimen honen helburu bikoitza ahalbidetu du: ingurumenari lotuta, ehun hondakinak gutxitzea horiek berreskuratuz; eta gizarte arloan, lana topatzeko zailtasun handiak dituzten taldeentzako postuak sortzea eta Ekorropa denden bitartez zentzuzko kontsumoa sustatzea", azaldu duenez.
Ekorropa
Berohik arropak konpondu eta berritzeko lantokia dauka Zamudion. Bertatik ateratzen den gehiena kooperatibak dituen zortzi Ekorropa dendetara eramaten da, horien artean Algortako Sarrikobaso kalean dagoenera. 2006an Bizkaian beste bat zabaltzeko asmoa dute. Berohitik nabarmendu dutenez, gero eta gehiago erosten du saltoki horietan jendeak, "kalitate eta salneurri onak dituztelako". "Arropak berme osoa eskaintzen du, bigarren eskuko denda guztiek ez bezala, saldu aurretik ehunki guztiak garbi-garbi eginda uzten dituztelako", gaineratu dutenez.
Getxo udalerrian batutako arropa eta oinetakoen kopuruak %11 egin zuen gora igaz
2006ko urt. 19a, 22:02
Berriro erabiliak izateko, arropa eta oinetakoak batzen ditu Berohi irabazi asmorik gabeko elkarteak. Hain zuzen ere, 2004 urtearekin alderatuz, igaz %11 egin zuen gora bildutako kopurua. "Honen ganeko zenbakiak gora doaz urtetik urtera", Iñaki Zarraoa alkateak aditzera eman duenez. 2005ean 228.044 kilo arropa, oinetako eta osagarri batu ziren, hiritarren eskura eta eurengandik hurbil dauden herriko hainbat lekuetan, hala nola, eleizetan, osasun etxeetan, azoketan, kiroldegietan, ikastetxetan eta Garbigunean bertan kokatutako 18 edukiontzietan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun