Zentzu horretan, hemendik aurrera bi lan nagusi izango ditu Getxoko Udalak: aipatu memoria egin eta diseinatu bai baina oraindik gauzatu ez diren ekintzak abiatzea. Txostena ekaina aurretik aurkeztu beharko da eta urte amaierako ezagutuko da erabakia.
Hainbat sari
Zarraoak azaldutakoaren arabera, "Bikaintasunarekiko Konpromisoaren Diploma (Euskalitek emandakoa) ez ezik, kalitatearen esparruan beste sari batzuk ere jaso ditu, ISO 9000 ziurtagirien bitartez, Getxoko Udalak; eskaintzen dituen hainbat zerbitzuengaitik (Hiritarren Arretarako Bulegoek, Kontratazioak, Artxibategiak edo Getxoko Kirolakek jasoak dituzte honez gero; beste batzuk lortzeko bidean dira), hain zuzen ere. Kalitate Turistikoaren Q ziurtagiria ere eman digute".
Zilarrezko Q ziurtagiria lortu nahian dabil Getxoko Udala
2006ko urt. 19a, 22:28
Getxoko Udalak Euskalit Kalitaterako Euskal Iraskundeak Europako EFQM delako bikaintasunaren ereduaren barruan ematen duen Zilarrezko Q ziurtagiria lortzeko asmoa du aurten. Izan ere, Tokiko Gobernu Batzordeak enpresa bat kontratatzea erabaki du sari hau eskuratzeko halabeharrez aurkeztu behar den txostena egiten laguntzeko. Lortzekotan, ziurtagiria eskuratzen duen EAEko lehen udalerria litzateke Getxo, Iñaki Zarraoa alkateak adierazitakoaren arabera. “Lan handia egin behar dugu eta baliteke aurten ez lortzea, baina garrantzitsuena aurkeztea da, lortu dezakegulakoan baikaude", udal agintariak azaldu duenez. "Zaila da udal erakunde osoarengan eragina duelako eta 700 behargin inguru izanik pertsona askoren partehartzea behar delako. Zaila dela jakin badakigu baina hobe da saiatzea ezer egin barik geratzea baino”, gaineratu du Zarraoak.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun