Iaz 380 ekitaldi izan ziren guztira. Getxo udalerrian bertan zein kanpora begira ospe gehien irabazi duten ekitaldiak (blues, jazz, folk eta habanera jaialdiak) biltzen dituen udako jaialdien zikloak 71.000 pertsona inguru erakarri zituen. Bestalde, ez dira ahaztu behar musikarekin zerikusia duten beste hainbat ekitaldi; hala nola Udazkeneko Kontzertuak, Aste Korala edo Folklore eta Dantza Jaialdiak. Horiez gain, urtean zehar antolatutako kontzertuak ere baditugu, urteko musika eskaintza osatzeko.
Bestetik, eta azoka eta erakusketen atalean, 104.000 pertsona bildu ziren. Erdi Aroko IV. Azoka da jende gehien erakartzen duena, 50.000 pertsonekin; ondoren, San Lorentzoko nekazal azoka (18.000 pertsona), Artisautza Azoka eta Komiki Azoka (horietako bakoitzak 15.000 pertsona erakarri zituen); eta, azkenik, Getxoarte, Arte Sortu Berrien Azoka, 6.000 bisitarirekin.
Antzerkigintzak ere oso emaitza onak izan zituen iaz: 11.900 pertsona inguru bertaratu ziren Antzerki Jardunaldietako saioetara eta urteko gainerako antzezlanetara, horiek Getxo Antzokian, Andres Isasi Musika Eskolan edo kaleko eskenatokietan eskaini.
Liburutegietako ekimenak
Horri guztiari zinema-zikloak (Zine Kluba, Cinema Paradiso, Haur Zinea), erakusketak, hitzaldiak, lantegiak, dantza-ikuskizunak eta urteko programazio erregularreko beste hainbat ekitaldi gehitu behar dizkiogu. Beste hitzordu azpimarragarrien artean Getxolandia gabonetako haur-parkea eta Erregeen Desfilea ditugu; horiek 50.000 eta 30.000 pertsona erakarri zituzten, hurrenez hurren.
Liburutegiei dagokienez, Getxoko lau liburutegiek 195.000 erabiltzaile erregistratu zituzten; horietan, gainera, azterketa-garaiko kanpaina desberdinetako erabiltzaileak jaso behar dira.
Horretaz guztiaz gain, udal liburutegiek ekitaldi-programa oso anitza eskaintzen dute; programa horrek oso harrera ona izaten du jendearen artean. Ekitaldi horien artean Letren Terrazak (udako liburutegiak) izenekoa azpimarratu behar da; udan, irakurketa eta aisialdia kalean konbinatzea ahalbidetzen du ekitaldi horrek, eta 29.000 pertsona bildu zituen iaz.
Liburu Azoka eta azoka hori dela-eta antolatutako jarduerak ere ospatu ziren, 15.000 parte-hartzailerekin, eta ezta liburutegiek antolatutako gainerako ekitaldiak, hala nola Kontularien Kluba eta poesia-errezitaldiak.
Guztira 595.000 lagunek parte hartu zuten igaz Getxoko Kultur Etxeak antolatutako 380 ekitaldietan
Getxoko Kultur Etxeak zein erakunde horren liburutegi-zerbitzuak 2005. urtean zehar antolatutako jardueretan 595.000 pertsonek parte hartu zuten guztira, udal getxoztarraren esanetan. Kultur ekitaldietan 356.000 pertsonek parte hartu zuten guztira, eta liburutegi-zerbitzuetan nahiz liburutegi-zerbitzuek antolatutako ekitaldietan, berriz, 239.000 erabiltzaile izan ziren. "Kopuru horiek, aurten ere, Kultur Etxearen ekitaldi eta zerbitzu eskaintzak duen harrera ona erakusten dute. Izan ere, getxoztar guztiak asebeteko dituen kalitatezko programa anitza eskaintzea da helburua", Iñaki Zarraoa alkateak adierazitakoaren arabera. Argazkian, Olodum taldearen kontzertua 2005eko Folk Jaialdian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun