"Familiaren nahia da omenaldiaren ekitaldian errautsak itsasora zabaltzea Portu Zaharrean: bizirik ez zuen izan herrira etortzerik; orain hemen izango dugu, izarretako bidean. Euskal Herria libre izateko eta Euskal Herrian bizitzeko borrokatu zara. Euskal Herriak bere baitan gordeko zaitu!", adierazi du Uribe Kostako Amnistiaren Aldeko Mugimenduak.
Gaiaren inguruko berriak:
"Frantziaren jazarpenaren ondorioz gaixotu eta hil da Aitor Elorza" (Berria, 2005 Urt 20)
"Elortzarena ez da gertakari soltea izan, egoera zehatzean jazotako heriotza baizik" (Gara, 2005 Urt 20)
"Aitor Elortza gogoan Euskal Herrian libre bizitzeko eskubidearen alde" lelopean, manifestazioa egingo da ostiralean Algortan (2005 Urt 18)
Aitor Elortza gogoan, ehunaka lagun batu dira Algortan (2005 Urt 17)
Aitor Elortza Algortako iheslari politikoa hilik aurkitu dute (2006 Urt 16)
Atzo egin zioten autopsia Aitor Elortzari
2006ko urt. 20a, 14:11
Gaur iluntzean eskualdeko manifestazioa egingo da Algortan, 20:00etan, Telletxetik abiatuta, "Aitor Elortza gogoan Euskal Herrian libre bizitzeko eskubidearen alde" lelopean. Bestela ere, ordu berean omenaldia egingo zaio Donibane Lohitzunen. Algortako Portu Zaharrean egingo zaion omenaldiari buruz, eguna oraindik zehaztu gabe dagoela eta egin aurretik aste batzuk pasa daitezkeela adierazi du Uribe Kostako Amnistiaren Aldeko Mugimenduak, Etengabe.org webgunearen bitartez. Izan ere, atzo bertan egin zioten autopsia eta familiakoei adierazi zietenez emaitzak ez dira jakingo aste batzuk pasa arte, errepresioaren aurkako erakundeak azaldu duenez, eta orduan erraustuko dute gorpua.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun