Hizkuntza-ereduen eraberritzea diseinatu behar den momentu honetan Kontseiluak gaiaren garrantzia nabarmendu nahi du, "euskararen normalizazioan aurrera egiteko belaunaldi berriak euskaldundu behar dira". Era berean, gaur egungo sistemaren gabeziak aipatu dituzte Kontseiluko ordezkariek, "ezarrita dagoen eredu-sistemak eman behar zituen fruituak ez baititu eman".
Bestetik, Nafarroa, Nafarroa Beherea, Zuberoa eta Lapurdiko egoera aipatu dute Kontseiluko bozeramaileek, "Euskal Herrian milaka haur eta gazteren hizkuntza-eskubideak urratzen dira". Izan ere, euskaraz ikasteko aukerarik ere ez dutela izan azpimarratu dute, "Lanbide heziketa eta unibertsitatea arloetan gertatzen dena ahaztu gabe".
Eredu berria garatu
Horregatik, Kontseiluaren xedea belaunaldi berriak erabat euskaldunduko dituen eredu berria garatzea da, "une egokia delakoan gaude euskararen lurralde guzietan eztabaida mahai gainean dagoelako eta Euskadiko Autonomi Erkidegoan adibidez, 2007rako ereduak aztertu eta aldatzeko erabakia hartu behar da eta".
Beraz, "Bai eskolak euskalduntzeari!" ekimena une aproposean datorrela adierazten du Kontseiluak, eta dei egiten die euskal herritar guztiei eskaerarekin bat egin dezaten, haren aldeko sinadura emanez. "Eskola bidez belaunaldi berriak osoki euskalduntzea denon artean bermatu beharko genuke", esan dute azkenik.
Kontseilua
"Bai eskolak euskalduntzeari!" sinadura bilketan parte hartzeko dei egin du Kontseiluak
Hezkuntza sistemak eman dituen datuak aztertuta, kezka handiarekin ikusten du Euskararen Gizarte Erakundeen Kontseiluak gaur egun, "oraindik ere, belaunaldi berriak erabat euskaldundurik ez ikustea". Hori dela eta, 'Bai eskolak euskalduntzeari!' lelopean abian jarritako ekimenarekin bat dator. Hain zuzen ere, otsailetik maiatzera abian jarriko den sinadura bilketan parte hartzeko deia egin du Kontseiluak. "Guk ere izenpetuko dugu hizkuntza-eredu berria, ezinbestekoa baita", adierazi dute ordezkariek. Argazkian, astelehenean izan zen kanpainaren aurkezpena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun