Zartako taldeak kontzertua eskaini behar zuen Kantabrian. Hispanismo.org foroan horren berri izan eta kontzertua bertan behera uzteko kanpaina bat jarri zuten martxan. Foroan gaia abiarazi zuenak horrelaxe idatzi zuen: "ez dakigu konturatzen diren zein kontzertu egitera doazen. Zartako taldea ultraezkertiarrez osaturik dago. Estilo musikalaren edukia beraiek bezala pentsatzen ez dutenen aurkako gorroto eta indarkeria mezuz beteta dago. Erailketak goraipatzen dituzte eta ETAren indarkeriaren biktimak gutxiesten ditu". Hispanismo.org webguneak bi logo ditu: Espainiako armarria eta arrano beltza "Jaungoikoa eta Lege Zaharra" leloaz lagunduta.
Esan bezala zerrenda beltza 75 musika taldez osaturik dago. Gipuzkoarrak dira talde gehienak, baina Bizkaia, Araba eta Nafarroako hainbat talde ere badira.
Kloratita eta dozenaka euskal musika talde jopuntuan jarri ditu foro ultraeskuindar batek
Leioa eta Zorrotzako Kloratita musika taldea (argazkian) "ETAren aldeko inguruaren hurbileko euskal musika taldeen" zerrenda beltzan jarri zuen atzo Hispanismo.org foro ultraeskuindarrak. Zerrenda horrek taldearen izena, nongoa den eta telefonoa ere argitaratu du eta bertan beste 74 talde daude, tartean desagertutako Indarra 77 talde algortarra. Zerrendaren abiapuntua Bilboko Zartako taldeak Kantabrian otsailaren 10ean eman behar zuen kontzertu bat dela eta ultraeskuindarren artean sortu zen alarma izan da, Gaztesareak jakinarazi duenez. Azkenean, webgune horretako antolatzaileek eta partaideek egindako presioarengatik D´Manu aretoak bertan behera utzi du kontzertua. Hispanismo.org webguneko kideak zerrenda beltzan sartzeko ustezko aitzakiak ematen saiatu dira. Horien arabera, Kloratitako kideak "punkarrak eta batzuk sharpzaleak, Herri Norte Taldekoen lagunak" izango lirateke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun