Txakurren gorotzak batzeko beharraz kontzientziatzeko kanpaina martxan dago Berangon
2006ko ots. 8a, 13:39
Astelehen honetan ekin dio Berangoko Udalak txakurren jabeek euren aberreen gorotzak batu ditzaten kontzientziatu eta sustatzeko ekimena. "Hazlo por el, hazlo por todos" (beragatik egizu, denongatik egizu) lelopean, paperontziak eta kanpainaren berri emateko kartelak kokatzea aurreikusten dute, Miren Dobaran alkateak azaldutakoaren arabera. Horrekin batera, txakur-gorotzak batzeko 8.000 poltsa eta etxetara helduki diren 2.500 eskuorri banatuko dituzte dohainik. Dobaranen ustez, arazoa "errespetuan datza nagusiki". "Eskubideez gain, betebeharrak ere badituztela jakin behar dute txakurren jabeek, biztanlegoaren zati handi bat gorotzen usain txarra eta zikinkeriaz kexatzen baitira", dio udal agintariak. Era berean, gorotzak "ez dira bakarrik espaloi eta kaleetan geratzen, berdeguneetan eta umeak jolasten duten lekuetan ere badaude, horrek dakarren osasun eta higiene arriskuarekin", oharatarazi du. Argazkia: Sarean.com.Kanpainak hamar paperontzi bereziren kokapena ekarriko du herrira, txakurren jabeek bertara bota ditzaten gorotzak. Ontzi hauek, "sanecan" bezala ezagunak, aurretik herrian dauden "pipican" deritzonei batuko zaizkie. Gainera, liburuxkak banatuko dira paperontzi berezi hauen kokapen zehatzarekin, baita gorotzak sartzeko poltsa bereziak doan non lor daitezken informazioa ere. Leku hauek udaletxea bera, Berangoeta eta Santa Ana kultur etxeak eta Berangoko Albaitaritza Klinika izango dira. Udalak ekimen guzti hauen berri emateko kartelak jartzen ari da udalerriko bulego eta arretik aipatutako gune guztietan, baita herri osoko informazio paneletan ere, "kanpaina eraginkorragoa izan dadin".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun