Bizkaia eta Gipuzkoan ikusi ahal izan zen kanpainak ondorengo lema zeukan: “urte bete giroa berotuz ” eta irudian zera ikus zitekeen: goiko lekuan emakume baten hankak eta hiru gizon hari begira eta behetik hura seinalatuz, ondorengo lema: “urte bete giroa berotuz”. Era berean, Araban ondorengo titulua zeraman kanpaina jarri zuten martxan: “urte bat gehiago ospatzeko… sekula ikusi ez den prezio biluztea (despelotea)”.
Aralar eta Plazandeok alderdien ekimenez
2005eko urrian, Emakundera Aralar talde politikoaren idazki bat iritsi zen. Idazki horren bidez aipatutako publizitate kanpaina gelditzea eta baita Jaurlaritzari egoki ikusten zituen administrazio-zigorrak ezartzeko eskea egitea eskatzen zen. Handik egun batzuetara kanpaina gelditzea eskatzen zuten Plazandreok alderdiaren eta pertsona baten idatziak jaso zituzten.
Azaroan Emakundeko zuzendariak hiru egun eman zizkion Media Markteki Euskal Autonomia Erkidegoan kanpaina eteteko. Kanpaina emandako epearen barruan eten bazuten ere, Jaurlaritzak uste du kanpainak zehapen-espedientea hasteko adineko garrantzia duela.
Media Markt kanpaina sexista bat egiteagatik zigortzeko bidean jarri du Lakuak
2006ko ots. 9a, 16:55
Eusko Jaurlaritzaren Gobernu Kontseiluak asteartean burutu zuen batzarrean, Barakaldo, Donostia eta Gasteizen saltokiak dituen Media Markt Saturn Administracion España SAU enpresaren aurkako zehapen-prozedura hastea erabaki zuen. Erabakia Emakumeen eta Gizonen Berdintasunerako Legearen arabera hartu zuen Gobernu Kontseiluak. Izan ere, Jaurlaritzaren ustez, Media Marktek egindako publizitate kanpaina bat sexista zen eta emakumeen gorputza sexu objektu gisa erabiltzen zuen. Erabakiari jarraituz, Emakundek instruktore bat izendatuko du eta enpresak 15 eguneko epea izango du egoki ikusten dituen alegazioak, dokumentuak eta informazioak formulatu eta ekartzeko eta frogazko epea zabal dadin eskatzeko eta hala, egoki deritzoten froga medioak proposatzeko. Argazkian, Bilgune Feministak publizitate duina aldarrikatzeko egindako erakusketa ibiltaria.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun