Bestalde, Aralarrek nabarmendu nahi du larria iruditzen zaion gertaera: udal eta bestelako erakunde publikoen (tartean, Eusko Jaurlaritza eta aldundiak) kontrol eza. Azken batean beraiek ematen dizkiete euskarriak beraien kartelak jartzeko. Media Markteko kartelak Metro Bilbao, Bizkaibus, Euskotren eta Bilboko Udaleko hesietan egon ziren ikusgai.
Erakunde publiko hauek, ezin dezakete lehentasunik eman errentagarritasun ekonomikoari. Kartel hauek jarrita, agerian uzten dute ez dutela betetzen emakumeen eta gizonezkoen berdintasunaren legislazioa.
Gaiaren inguruko berriak:
Aralarrek Emakunderi bitalitako idazkia (pdf) (2006 Urt 09)
Media Markt kanpaina sexista bat egiteagatik zigortzeko bidean jarri du Lakuak (2006 Urt 09)
Eusko Jaurlaritzak Media Markt-i irekitako zigor espedientea positibotzat jo du Aralarrek
Emakunderi salaketa helarazi zion talde bezala, Aralarretik pozten gara Eusko Jaurlaritzak Media Markt enpresari irekitako zigor espedientearekin, pasa den irailean abiatu zuen kanpainarekin lotuta. Karteletan nabarmen geratzen zen zer den kanpaina sexista eta iraingarri baten adibidea, pertsonen duintasunaren aurkako kanpaina bat, alegia. Halaber, azpimarratu nahi dugu hartutako neurriak. Enpresa honentzat eta besteentzat, abisu bat besterik ez da, kontuan eduki dezaten nola diseinatu publizitate kanpaina bat. Jakin dezatela, Aralar zelatan eta salatzeko prest egongo dela, hala nola, elkarteak zein herritarrak. Dena den, gustatuko litzaiguke ere instituzioek bide bera jarraitzea. Badaude bide juridikoak eta erabiltzeko ebazpenak, horrelako kanpainen arduradunak zigor gabe gera ez daitezen. Emakumeen eta gizonezkoen arteko berdintasunaren gudua, esparru guztietan defendatu beharra dago, baita publizitatean ere. Argazkian, Bilgune Feministak publizitate duina aldarrikatzeko egindako erakusketa ibiltaria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun