Orain hiru urte, 2003ko otsaileko udalbatzarrean, bertan turismo paradorea egitea eskatu zuen Getxoko PPk, baina ezezko erantzuna jaso zuten Udal Gobernutik. Arruek azaldu duenez, “Espainiako Gobernuak jarri behar zuen Bake-Eder jauregia berriztatzeko dirua, baina ontzat hartu beharrean, ideia lehiaketa deituko zutela erantzun ziguten udal arduradunek; hortaz, paradorearen proiektua bertan aurkeztu beharko zela”. Oraindik ere, ideia lehiaketa ez dutela antolatu salatu du tokiko popularren bozeramaileak. “Horrenbeste denbora igaro eta gero, oraindik ez dakigu zer egiteko asmoa duten. Partikular batena izango balitz, eraikina baldintza duinetan izatea eskatuko lioke horri Udalak”, gaineratu duenez.
Ehun urte baino gehiago
Aznartarren Etxea izenarekin ere ezaguna den Bake-Eder jauregia Luis Elizalde arkitektuak altzatu zuen 1901ean eta zortzi urte geroago –1909an– Manuel Mª Smith-ek zaharberritu zuen, Neguriko aristokraten etxe gehienak eraiki zituen bilbotarra, hain zuzen ere. 2001ean sute batek suntsitu zuen eraikina eta, ordutik hona, hutsik eta hondatuta dago. Bere garaian, “babes bereziko monumentu-multzotzat” hartzen zuen Eusko Jaurlaritzako Kultura Sailak.
Areetako Zugatzarte etorbideko 30. zenbakian eman dute gaurko prentsaurrekoa Marisa Arrue Getxoko PPko bozeramaileak eta Eduardo Andrade zinegotzi popularrak, bertan kokatuta dagoen Bake-Eder jauregia “erortzeko zorian” dagoela salatzeko. “Egitura aldetik berezia eta bere osotasunean aberatza den eraikina hiltzen uzten ari da pizkanaka Zarraoaren udal gobernu jeltzalea. Lorategi ederra ere bazegoen barrualdean eta batek daki nola egongo den orain”, tamaldu da tokiko popularren burua. Aste osoan, jauregiko giltzak eskuratu nahian ibili arren, Udalak ez dizkiola eman kritikatu du Arruek. Kazetariei barrualdea erakustea zen bere asmoa, “guztiz hondatuta dagoela argi gera zedin”. Baina egoeraz ezezik, etxeari emango zaion erabileraz ere kezkatuta dago Getxoko PP. “Kultura edo turismoa ez den beste edozertarako erabiliko ote den beldur gara. Ez dira, bada, eraikinarekin espekulatzeko itxaroten egongo”, adierazi du Arruek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun