"Gallagaren kontrako akusazio guztia beste atxilotu bati komisarian torturapean sinarazitako deklarazioan oinarritzen da. Aurreko epaiketetan, pertsona horrek deklaratu zuen torturaz sinarazi ziotela, baina Gallagak ez zuela zerikusirik horrekin. Hala ere, epaileek esan zuten ez ziotela epaiketan esandakoa sinisten, isolamenduan eta torturapean sinatu zuenari sinisgarritasun osoa ematen ziotela ordea eta 18 urteko zigor bi ezarri zizkioten Gallagari", diote amnnistiaren aldeko mugimenduko kideek.
Gaiaren inguruko berriak:
Jabier Gallaga preso algortarra Madrilera eraman dute (2006 Ots 01)
Jabier Gallaga birritan epaituko dute gaur (2005 Eka 17)
Jabier Gallaga "torturapean lortutako froga batean oinarrituz" epaitua izango dela salatu dute
Jabier Gallaga Algortako euskal preso politikoa ostegun honetan, otsailak 16, epaituko dute Espainiako Auzitegi Nazionalean, ETAk Kordoban 1996an Armadako autobus baten kontra egin zuen ekintzan erabilitako leherkariak berak eraman zituela leporatuta. Horretara, atentatuan hildako sarjentuagatik 27 urte, autobusean zihoazen 24 pertsona bakoitzeko 14 urte eta kalte materialengatik 4 urte eskatzen ditu fiskalak. Hala ere, guztira, 367 urteko espetxe zigorra, "torturaz lortutako froga batean oinarrituta" ezarri nahi diotela salatu du, Etengabe blogaren bidez, Uribe Kostako Amnistiaren Aldeko Mugimenduak. Tortura eta Auzitegi Nazionala desagertzearen aldeko manifestuaren harira, "epaiketa hau bertan behera utzi eta Gallaga askatu behar dutela", azpimarratu du errepresioaren aurkako mugimenduak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun