Jendartea 2006-04-06 23:26

Armintza Bidean egingo duten errotonda berriak bertoko trafikoa "arinduko" du

Erabiltzailearen aurpegia Ukberri
Gorlizko Udalak onartu berri duenez, errotonda eraikiko dute Armintza Bidea aldean, hain zuzen ere, Tribiñu, Orbeta eta Itsasbide kaleen elkargunean. Patxo Igartua alkateak adierazitakoaren arabera, “lotura berri honekin, arindu egingo da udalerri barruko trafikoa eta hondartzara doana, batez ere Armintzako errepidetik datorrena”. Dagozkion lanak bi alditan egingo dituzte, “ibilgailuen eta oinezkoen joan‑etorriak ahalik eta gutxien eteteko”. Errotonda berriak, 8,50 metroko erradioa izango du, eta 3,75 metro zabaleko bi erreik inguratuko dute. Horren kostua 571.872,83 eurokoa da, eta aurreikuspenaren arabera, lanok lau hilabete eta erdi iraungo dute. Argazkian, Gorlizko udaletxea.
Lan hauek egitearekin batera, zenbait egokitzapen burutuko dira kale hauetan: Tribiñu kalearen eta Armintzako errepidearen arteko lotura irekitzea, besteak beste. Horretaz gain, Itsasbide kalea hobetzeko lanak ere egingo dira, kale hori Elexalde bizitegi-guneko alde berriarekin lotuko baita. Azkenik, dagoenako eginda dago Orbeta kalea, Kipulene kaletik hasita, oinezkoen aldea bilakatzeko proiektua.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa