Ipuin kontaketa eta zinema egongo dira asteburuan Gorlizen
2006ko ots. 13a, 22:03
Gorlizko Kultur Etxeak ekitaldi bi antolatu ditu asteburu honetarako herriko gaztetxoentzat, dohainik. Larunbat honetan, otsailak 18, “Marilo betilo” ipuin kontaketa saioa eskainiko du Behi Bi’s izeneko taldeak, ikastetxean bertan. 3 eta 8 urte bitarteko umeei zuzendutako emanaldia, 18:30ean hasiko da. Hurrengo egunean, igandean, ume eta gazteek zine emanaldia izango dute ohiko lekuan, hau da, Gorlizko udal erakusgelan, Eloisa Artaza kaleko 3. zenbakian. Arratsaldeko bostetatik aurrera, “Valiant” filmea (argazkian) proiektatuko dute bertan.Kultur iturriek helarazitako prentsa-oharrean aipatzen denez, lehendabiziko aldia da, Gorlizko ikastetxean saioa antolatzen dutela, hain zuzen ere, "lekua aproposa delako eta baldintzak modu egokian betetzen dituelako". Horrexegatik datozen hilabeteetan ere horixe erabiliko dute kultur jardueretarako. Bestalde, Gorlizko Udal Liburutegiak pultualtasuna eskatu du ipuin kontalari saiorako, "antolakuntza eta taldea errespetatzearren", eta horregatik hamar minutu beranduago, –18:40an– atea itxi eta ezin izango da barrura sartu. Ekintza bietan "umeekiko ardura ez da antolatzaileena, umeen arduradunena baizik", gaineratu dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun