Getxoko udaltzainek bi gizon eta emakume bat atxilotu dituzte Algortan, 25, 22 eta 28 urtekoak. Hainbat saltokitan lapurtutako kreditu-txartelekin erosketak egitea leporatzen diete. Polizia agenteek egindako ikerketen arabera eta Getxoko Udaleko prentsa bulegoak zabaldu bezala, "atxilotutako lagunek mota horretako delituak egiten zituzten". Hori oinarritzat hartuta, Getxo udalerrian, Leioan eta Bilbon egindako beste delitu batzuk leporatu dizkiete. Saltokietan sartzen omen ziren ustezko lapurrak eta horietako bik saltzailea distraitzen zuten bitartean, hirugarrenak kreditu-txartelak, dokumentazioa eta dirua lapurtzen zuen.
Lapurrak harrapatzeko ikerkutza operatiboa jarri zuen martxan Getxoko Udaltzaingoak, eta pasa den asteazkenean, otsailak 8, hiru pertsona atzeman zituzten Algortako saltoki batetatik irtetzen ari zirela, "lapurtutako kreditu-txartel batekin erosketa batzuk egin ondoren", polizia iturrien arabera. Biktimen kontu korrontetik 3.000 euro baino gehiago atera zutela uste dute. Behar diren izapideak egin, eta epaitegian aurkeztu ondoren, hiru lagunak kartzelan sartzea agindu zuen epaileak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun