Bestalde, Espainiako Auzitegi Nazionalak dilijentziak zabaldu ditu Anjel Figueroa eta berarekin Kordobako espetxean diren Harriet Iragi, Joseba Urrosolo eta Iñaki Krispini euskal preso politikoen aurka, ustezko mehatxu terroristak egin eta ETAko kideak izatea leporatututa, "bizi baldintza duinen alde egin zuten protesta batengatik, Ainhoa Baglietok adierazi bezala", Etengaben aipatzen denez. Sumario berri hau, "Espainiako Justizia ministroak euskal preso politikoak espetxe zigorra betetzen dituztenean ere kalera atera ez daitezen eraikiko dituzten frogen artean" kokatu du Uribe Kostako Amnistiaren Aldeko Mugimenduak.
Gaiaren inguruko berriak:
Anjel Figueroa Langraitzera ekarri dute (2006 Urt 02)
Anjel Figueroa berriro atera dute Kordobatik (2005 Abe 23)
Anjel Figueroa Kordobara eraman dute berriro (2005 Abe 03)
Anjel Figueroa preso algortarra Langraitzen dago, Gurutzetan arreta medikoa jaso ahal izateko (2005 Urr 08)
Kordobako espetxetik atera dute Anjel Figueroa (2005 Urr 04)
Anjel Figueroa preso algortarraren osasun egoera larria da (2005 Ira 29)
Anjel Figueroa Algortako euskal preso politikoa Langraitzera ekarri zuten Kordobako espetxetik, dauzkan epilepsia arazo larriak sendatzeko ebakuntza egiteko aukerak aztertzeko. Egunotan Gurutzetako ospitalean dago, hainbat froga egiten, Uribe Kostako Amnistiaren Aldeko Mugimenduak Etengabe blogaren bitartez jakinarazi duenez. "Gela barruan, egun guztian ertzain bi dauzka berarekin eta argia ere egun guztian piztuta. Bere senitartekoek arazoak ere izan dituzte berarekin izateko orduan. Bestela lasai dago eta froga hauek egin ondoren erabakiko bide da ebakuntza egingo dioten ala ez", adierazi dute errepresioaren aurkako erakundeko kideek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun