Gaur Leioako Amnistiaren Aldeko Mugimenduak adierazitakoaren arabera, "atzo, otsailak 16, Draguignan kartzelan dagoen Grapoko kide baten bidez jakin zen goizeko 8ak aldera atera zutela Urtzi Murueta leioztarra ziegatik eta momentu honetan ez dakigu non aurkitzen den. Erroparik ere ez omen zioten hartzen utzi. Kartzelara deitu zuten gertatutakoa argitzeko eta esan zieten ez dutela informazio hori eman beharrik”. Gero jakin da aldi baterako estradizioa izan dela.
Gaiaren inguruko berriak:
Atzo atera zuten Draguignan espetxetik Urtzi Murueta (2006 Ots 17)
Urtzi Murueta aldi baterako estraditatuko dute bihar (2006 Ots 16)
Datorren asteazkenean ere Urtzi Muruetaren aldeko kontzentrazioa izango da Leioan (2006 Ots 15)
Urtzi Murueta gose grebari ekitearekin batera, kontzentrazioa egingo dute etzi Leioan (2006 Ots 13)
Sei hilabeterako estraditatu dute Urtzi Murueta
2006ko ots. 17a, 19:43
Hainbat albiste agentziek zabaldutakoaren arabera, Interpolera atxikitako Espainiko Poliziako agenteek eraman dute gaur Urtzi Murueta Leioako euskal preso politikoa Madrilera, Espainiako Auzitegi Nazionalera deklarazioa har diezaioten. Bertoko 3. Instrukzio Epaitegiak abiatutako nazioarteko atxilotze-aginduaren ondorioz, estraditatu dute sei hilabetetarako gazte leioztarra. Espainiako Poliziako Zuzendaritza Nagusiak agertu duenez, nahita sutea piztea leporatzen diote Muruetari, eta delitu horrengatik epaitu arte izango dute Espainian. Ondoren, Frantziara itzuliaraziko dute berriro, han ezarritako espetxe zigorra betetzeko. Hori guztia salatzeko, mobilizazioak deitu dituzte Leioan: gaur bertan elkarretaratzea egingo dute "Urtzi, agintari espaianolen esku" lelopean, 19:30ean, Boulevardean. Eta astelehenean, otsailak 20, manifestazioa izango da, 20:00etan, Boulevardetik abiatuta.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun